കൊച്ചി: കോഴികളെ കൂട്ടിൽ കയറ്റാൻ ഓടിയ ഏഴ് വയസ്സുകാരൻ കോൺക്രീറ്റ് സ്ലാബിൽ നെഞ്ചടിച്ചു വീണുമരിച്ചു. എഴുപുന്ന സ്വദേശികളായ സന്തോഷ്, ധന്യ ദമ്പതികളുടെ മകൻ സച്ചിൻ കുര്യനാണു മരിച്ചത്. വീട്ടുവളപ്പിലെ കോഴിക്കൂട്ടിലേക്കു കോഴികളെ കയറ്റാൻ ശ്രമിക്കുന്നതിനിടയിലാണ് കുട്ടി സമീപത്തു കിടന്ന കോൺക്രീറ്റ് സ്ലാബിൽ നെഞ്ചടിച്ചു വീണത്. ഓട്ടത്തിനിടയിൽ കാൽ തെന്നി സ്ലാബിൽ ഇടിച്ചു വീഴുകയായിരുന്നു. 

കുട്ടിയെ തുറവൂർ സർക്കാർ ആശുപത്രിയിൽ പ്രവേശിപ്പിച്ചെങ്കിലും പിന്നീട് എറണാകുളം മെഡിക്കൽ ട്രസ്റ്റ് ആശുപത്രിയിലേക്കു മാറ്റി. എഴുപുന്ന തെക്ക് സെന്റ് ആന്റണീസ് ഗവ എൽപി സ്കൂളിലെ 2–ാം ക്ലാസ് വിദ്യാർഥിയാണ്. എബിൻ,സാൽവൻ,സാംസൺ എന്നിവരാണ് സഹോദരങ്ങൾ. സംസ്കാരം നടത്തി.