തിരുവനന്തപുരം: അധ്യാപക ദിനമായ സെപ്റ്റംബര് അഞ്ചിനകം സംസ്ഥാനത്തെ അധ്യാപകരുടെ വാക്സിനേഷന് പൂര്ത്തിയാക്കുമെന്ന് ആരോഗ്യ വകുപ്പ് മന്ത്രി വീണാ ജോര്ജ്. ഇനിയും വാക്സിനെടുക്കാത്ത അധ്യാപകരും മറ്റു സ്കൂൾ ജീവനക്കാരും തൊട്ടടുത്തുള്ള ആരോഗ്യ പ്രവര്ത്തകരുമായി ബന്ധപ്പെടണമെന്നും മന്ത്രി പറഞ്ഞു.
സംസ്ഥാനത്തിന് ഇന്നും ഇന്നലെയുമായി 8,00,860 ഡോസ് വാക്സിന് കൂടി ലഭ്യമായി. വാക്സിനേഷന് യജ്ഞത്തിന്റെ ഭാഗമായി ഇന്ന് 4,78,635 പേര്ക്കാണ് വാക്സിന് നല്കിയത്. ഒന്നും രണ്ടും ഡോസ് ഉള്പ്പെടെ ആകെ 2,86,31,227 പേര്ക്കാണ് വാക്സിന് നല്കിയത്. അതില് 2,09,75,647 പേര്ക്ക് ഒന്നാം ഡോസ് വാക്സീനും 76,55,580 പേര്ക്ക് രണ്ടാം ഡോസ് വാക്സീനുമാണ് നല്കിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ