തിരുവനന്തപുരം: എംബി രാജേഷിന്റെ ഭാര്യയെ കാലടി സര്‍വകലാശാലയില്‍ നിയമിച്ചതില്‍ അപാകതയില്ലെന്ന് ഡിവൈഎഫ്‌ഐ. ഇത് സംബന്ധിച്ച് ശുദ്ധ അസംബന്ധം പ്രചരിപ്പിക്കുയാണ്. യുജിസി മാനദണ്ഡം കൃത്യമായി പാലിച്ചാണ് നിയമനമെന്നും ഡിവൈഎഫ്‌ഐ സംസ്ഥാന സെക്രട്ടറി എഎ റഹീം പറഞ്ഞു.
രാജേഷിന്റെ ഭാര്യയുടെ നിയമനവുമായി ബന്ധപ്പെട്ട് അസംബന്ധമായ കാര്യങ്ങള്‍പ്രചരിപ്പിക്കുകയാണ്. ജീവനില്ലാത്ത, നിലനില്‍ക്കാത്ത ആരോപണങ്ങള്‍ ഉന്നയിക്കുകയായാണ്. ഇതൊക്കെ ജനം തിരിച്ചറിയും. ആരോപണം ഉന്നയിക്കുന്നവരെക്കുറിച്ച് അക്കാദമിക്ക് സമൂഹം എന്താണ് കാണുകയെന്നും റഹീം ചോദിച്ചു.
നിയമനത്തിനെതിരെ ആരോപണം ഉന്നയിച്ച വിദഗ്ധസമിതി അംഗത്തിന് രാഷ്ട്രീയമുണ്ടാകും. ഇന്റര്‍വ്യൂ സമയത്ത് അദ്ദേഹം അവിടെ പറഞ്ഞ കാര്യങ്ങള്‍ എല്ലാം റെക്കോര്‍ഡ് ആണ്. അത് അവിടെ ഉണ്ടാവുമല്ലോ?. അക്കാദമിക്ക് റിക്രൂട്ട്‌മെന്റില്‍ സിന്‍ഡിക്കേറ്റ്, സെനറ്റ് അംഗങ്ങള്‍ ഉണ്ടാവില്ല. യുജിസി മാനദണ്ഡം കൃത്യമായി പാലിച്ചാണ് കാലടി സര്‍വകലാശാലയില്‍ നിയമനം നടത്തിയതെന്നും റഹീം പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ