തൃശൂർ: ആളൂരില്‍ പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസിൽ നാല് പേർ കൂടി അറസ്റ്റിൽ. അരുൺ, മണികണ്ഠൻ, ഉണ്ണികൃഷ്ണൻ, കബീർ എന്നിവരാണ് ഇന്ന് അറസ്റ്റിലായത്. ഇതോടെ കേസിൽ നാല് ദിവസത്തിനിടെ 11 പേരാണ് പിടിയിലായിരിക്കുന്നത്.

പതിനേഴുവയസുകാരിയായ പെൺകുട്ടിയെ പ്രണയം നടിച്ച് കൂട്ടിക്കൊണ്ടുപോയാണ് പീഡനത്തിന് ഇരയാക്കിയത്. കേസിൽ 21 പ്രതികളാണ് ഉള്ളത്. ഏഴ് പ്രതികൾ നേരത്തെ അറസ്റ്റിലായിരുന്നു.

വിആർ പുരം സ്വദേശി മോനപ്പിള്ളി അരുൺ (28) ആണ് ഒന്നാം പ്രതി. വിഷ്ണു, അനീഷ്, മിഥുൻ, ഡെൽവിൻ, ജോബൻ, നസീർ എന്നിവരാണ് നേരത്തെ പിടിയിലായവർ. പ്രതികൾക്കെതിരെ പോക്സോ നിയമപ്രകാരമാണ് കേസെടുത്തിരിക്കുന്നത്.