തിരുവനന്തപുരം: കോന്നി മെഡിക്കല്‍ കോളജില്‍ കിടത്തി ചികിത്സ ആരംഭിക്കുന്നു.അടുത്ത മാസം ആദ്യം കിടത്തി ചികിത്സ ആരംഭിക്കും. നൂറു കിടക്കകളാണ് ആദ്യഘട്ടത്തില്‍ ക്രമീകരിക്കുന്നത്. ആരോഗ്യമന്ത്രിയുടെ അധ്യക്ഷതയില്‍ ചേര്‍ന്ന ഉന്നതതല യോഗത്തിലാണ് തീരുമാനം. ആശുപത്രിയുടെ രണ്ടാംഘട്ട വികസനത്തിനായി 218കോടി രൂപ അനുവദിച്ചു.
മെഡിക്കല്‍ കോളജില്‍ കിടത്തി ചികിത്സ ആരംഭിക്കാനായി വിദഗ്ധ സംഘം പരിശോധന നടത്തിയിരുന്നു. രണ്ട് വാര്‍ഡുകള്‍ സജ്ജീകരിക്കുന്നതിന് ആവശ്യമായ ഉപകരണങ്ങള്‍ ജനുവരി 15ന് മുന്‍പ് ആശുപത്രിയില്‍ എത്തിക്കുമെന്ന് മെഡിക്കല്‍ കോളജ് സന്ദര്‍ശിച്ച കേരള മെഡിക്കല്‍ സര്‍വീസസ് കോര്‍പ്പഫേഷന്‍ ഡയറക്ടര്‍ അറിയിച്ചിരുന്നു. ഇതോടൊപ്പം ഐസിയു കിടക്കകളും ഓപ്പറേഷന്‍ തീയേറ്ററും സജ്ജീകരിക്കും. കാഷ്വാലിറ്റി പ്രവര്‍ത്തനവും ആരംഭിക്കും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ