കൊച്ചി: കൊച്ചിയിലെ ലക്ഷദ്വീപ് വിദ്യാഭ്യാസ വകുപ്പ് ഓഫീസിലെ തസ്തികകള്‍ വെട്ടിക്കുറച്ചു. അഞ്ച് തസ്തികകള്‍ കവരത്തിയിലെ പ്രധാന ഓഫീസിലേക്ക് മാറ്റി. ഒരാഴ്ചയ്ക്കകം ഉദ്യോഗസ്ഥര്‍ കവരത്തിയില്‍ റിപ്പോര്‍ട്ട് ചെയ്യണം. കൊച്ചി അഡ്മിനിസ്‌ട്രേഷന്‍ ഓഫീസില്‍ ജീവനക്കാരെ കുറയ്ക്കുന്നതിന്റെ ഭാഗമായാണ് നടപടി
കൊച്ചി ഓഫിസുകളിലെ ജീവനക്കാരുടെ എണ്ണം അധികമാണെന്നും വെട്ടിക്കുറയ്ക്കണമെന്നും നേരത്തെ ശുപാര്‍ശ ചെയ്തിരുന്നു. ജീവനക്കാര്‍ ഉപയോഗിച്ചിരുന്ന ഇലക്ട്രോണിക് ഉപകരണങ്ങള്‍ ഉള്‍പ്പടെ കവരത്തിയിലെ ഓഫിസിലേക്കു മാറ്റണമെന്നും നിര്‍ദേശിച്ചിട്ടുണ്ട്.
ലക്ഷദ്വീപില്‍ നിന്നു കേരളത്തിലേക്കു വിദ്യാഭ്യാസ ആവശ്യങ്ങള്‍ക്കെത്തുന്ന വിദ്യാര്‍ഥികളുടെ പ്രശ്‌നങ്ങള്‍ പരിഹരിക്കുന്നതിനും മറ്റുമായി പ്രവര്‍ത്തിച്ചിരുന്ന ഓഫിസാണ് ഇത്. ദ്വീപ് അധികൃതരുടെ ഈ നടപടി സംസ്ഥാനത്ത് പഠിക്കാനെത്തുന്ന വിദ്യാര്‍ഥികള്‍ക്ക് ബുദ്ധിമുട്ടുണ്ടാക്കുമെന്നാണ് വിലയിരുത്തല്‍.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ