തിരുവനന്തപുരം: സിക പ്രതിരോധത്തിനായി ആരോഗ്യവകുപ്പ് കര്മ്മ പദ്ധതി തയ്യാറാക്കിയതായി മന്തി വീണ ജോര്ജ്. വൈറസ് ബാധിതരുടെ റൂട്ട് മാപ്പ് പരിശോധിക്കും. രോഗബാധ റിപ്പോര്ട്ട് ചെയ്യാന് സാധ്യതയുള്ള പ്രദേശങ്ങളും ആശുപത്രികളും കേന്ദ്രീകരിച്ച് ശക്തമായ പ്രതിരോധ പ്രവര്ത്തനങ്ങള് നടത്തും. സംസ്ഥാനത്താകെ ജാഗ്രതാ നിര്ദേശം നല്കിയിട്ടുണ്ട്.
ഇന്ന് 17 സാമ്പിളുകള് കൂടി ഇന്ന് പരിശോധനയ്ക്ക് അയച്ചു. പതിമൂന്ന് പേര്ക്കാണ് രോഗബാധ. ഗര്ഭിണികള്ക്ക് സിക വൈറസ് ബാധ വരാന് സാധ്യത കുടൂതലാണെന്ന് വിദഗ്ധര് പറയുന്നു. 4 മാസം വരെയുള്ള ഗര്ഭിണികള്ക്ക് സിക വൈറസ് പ്രശ്നമാകുമെന്നാണ് കണക്കാക്കുന്നത്. അതിനാല് തന്നെ 5 മാസം വരെ ഗര്ഭിണികളായവരില് പനിയുണ്ടെങ്കില് അവര്ക്ക് സിക വൈറസ് ബാധിച്ചിട്ടില്ലെന്ന് സ്ഥിരീകരിക്കണമെന്നും മന്ത്രി നിര്ദേശം നല്കി. എല്ലാ ജില്ലകളിലേയും ജില്ലാ മെഡിക്കല് ഓഫീസര്മാരുടെ യോഗത്തിലാണ് മന്ത്രി ഇക്കാര്യം വ്യക്തമാക്കിയത്.
കൊതുക് നിവാരണമാര്ഗമാണ് ഏകപ്രതിരോധമാര്ഗം. അതിനാല് വിവിധ വകുപ്പുകളെ ഏകോപിപ്പിക്കും. എല്ലാ ആശുപത്രികളും ജാഗ്രത പാലിക്കണം. സിക്ക വൈറസ് കണ്ടൈത്താനുള്ള ലാബ് സൗകര്യം വര്ധിപ്പിക്കും. മെഡിക്കല് കോളജുകള്ക്ക് പുറമേയുള്ള കേസുകള് പബ്ലിക് ഹെല്ത്ത് ലാബിലും പരിശോധിക്കാനുള്ള സംവിധാനമുണ്ടാക്കും. പരിശീലനവും ബോധവത്ക്കരണവും സംഘടിപ്പിക്കുന്നതാണ്. സ്വകാര്യ ആശുപത്രികളേയും പ്രതിരോധ പ്രവര്ത്തനങ്ങളില് പങ്കാളികളാക്കും. പനി, തലവേദന, ശരീര വേദന, ചുവന്ന പാടുകള് എന്നിവ കണ്ടാല് സിക്കയല്ലെന്ന് ഉറപ്പ് വരുത്തേണ്ടതാണ്.
അനാവശ്യമായ ഭിതി വേണ്ട. അതീവ ജാഗ്രതയാണ് വേണ്ടത്. ഈഡിസ് കൊതുകുകളാണ് സിക വൈറസ് പരത്തുന്നത്. സാധാരണ ഇത് കുഴപ്പമില്ലെങ്കിലും ഗര്ഭിണികളെ സാരമായി ബാധിക്കും. അവര്ക്ക് ജനിക്കുന്ന കുഞ്ഞുങ്ങള്ക്ക് വൈകല്യമുണ്ടാക്കാന് സാധ്യതയേറെയാണ്. അതിനാല് കൊതുകുകടിയേല്ക്കാതിരിക്കാന് ശ്രദ്ധിക്കണം. ലൈംഗിക ബന്ധത്തിലൂടേയും സിക വൈറസ് പകരാന് സാധ്യതയുണ്ട്. അതിനാല് ഗര്ഭിണികളാകാന് തയ്യാറെടുക്കുന്നവര് കൊതുകു കടിയേല്ക്കാതെ ശ്രദ്ധിക്കണം. കുട്ടികളും പ്രായമായവരും ശ്രദ്ധിക്കേണ്ടതാണെന്നും മന്ത്രി യോഗത്തില് നിര്ദ്ദേശം നല്കി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ