തിരുവനന്തപുരം : കേരള ക്ലേയ്‌സ് ആന്റ് സിറാമിക്‌സ് പ്രോഡക്ട്‌സിന് കീഴിലുള്ള കെസിസിപിഎല്‍ സാനിറ്റൈസര്‍ നിര്‍മ്മാണത്തിലേക്ക് കടക്കുന്നു. വ്യവസായമന്ത്രി പി രാജീവ് അറിയിച്ചതാണ് ഇക്കാര്യം.
മലബാറില്‍ ഒരു പൊതുമേഖലാ സ്ഥാപനം ആദ്യമായി സാനിറ്റൈസര്‍ നിര്‍മ്മാണ രംഗത്തേക്ക് കടക്കുന്നു എന്ന പ്രത്യേകത ഇതിനുണ്ടെന്ന് മന്ത്രി ഫെയ്‌സ്ബുക്ക് കുറിപ്പില്‍ വ്യക്തമാക്കി. കണ്ണപുരം യൂണിറ്റിലെ പദ്ധതിക്ക് അനുമതികളെല്ലാം ലഭിച്ചിട്ടുണ്ട്.
പ്രതിദിനം 500 ലിറ്റര്‍ സാനിറ്റൈസര്‍ നിര്‍മ്മിക്കാനാകും. 5000 ലിറ്റര്‍ ശേഷിയുണ്ട്. മൂന്ന് ബ്രാന്‍ഡുകളിലായി പൊതുവിപണിയിലും എത്തിക്കാനാണ് സ്ഥാപനം തീരുമാനിച്ചിരിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ