തിരുവനന്തപുരം: കേരളത്തിലൂടെ ഓടുന്ന മൂന്ന് പ്രത്യേക ട്രെയിനുകള്‍ കൂടി റദ്ദാക്കി. താത്കാലികമായാണ് ഇവ റദ്ദാക്കിയതെന്ന് റെയില്‍വേ അധികൃതര്‍ വ്യക്തമാക്കി. 

കൊച്ചുവേളി - മൈസൂരു (06316) പ്രതിദിന ട്രെയിന്‍ മെയ് 15 മുതല്‍ മെയ് 31 വരെ റദ്ദാക്കി. മൈസൂരു - കൊച്ചുവേളി (06315) പ്രതിദിന ട്രെയിന്‍ മെയ് 16 മുതല്‍ ജൂണ്‍ ഒന്ന് വരെ റദ്ദാക്കി.

തിരുവനന്തപുരം സെന്‍ട്രല്‍ - മധുര ജംഗ്ഷന്‍ അമൃത (06343) മെയ് 15 മുതല്‍ മെയ് 31 വരെയാണ് റദ്ദാക്കിയിട്ടുള്ളത്. മധുര ജംഗ്ഷന്‍ - തിരുവനന്തപുരം സെന്‍ട്രല്‍ അമൃത (06344) മെയ് 16 മുതല്‍ ജൂണ്‍ ഒന്ന് വരെയും റദ്ദാക്കിയിട്ടുണ്ട്.

കൊച്ചുവേളി - നിലമ്പൂര്‍ രാജ്യറാണി (06349) പ്രതിദിന സ്പെഷ്യല്‍ മെയ് 15 മുതല്‍ മെയ് 31 വരെയും, നിലമ്പൂര്‍ - കൊച്ചുവേളി രാജ്യറാണി (06350) മെയ് 16 മുതല്‍ ജൂണ്‍ ഒന്ന് വരെയുമാണ് റദ്ദാക്കിയത്.