തിരുവനന്തപുരം: ആന്ധ്രപ്രദേശിലെ കനത്ത മഴയും പ്രളയവും, നാഗര്‍കോവില്‍ ഭാഗത്തെ മണ്ണിടിച്ചിലും പരിഗണിച്ച് ട്രെയിന്‍ സര്‍വീസുകള്‍ക്ക് നിയന്ത്രണം. ഹൈദരാബാദില്‍ നിന്ന് ഇന്ന് പുറപ്പെടേണ്ട ശബരി എക്‌സ്പ്രസും ചൊവ്വാഴ്ചത്തെ നിസാമുദ്ദീന്‍ - എറണാകുളം പ്രതിവാര എക്‌സ്പ്രസും റദ്ദാക്കി. വിജയവാഡ, ഗുണ്ടക്കല്‍ റെയില്‍വേ ഡിവിഷനുകളിലെ വെള്ളക്കെട്ട് കാരണമാണ് ശബരി എക്‌സ്പ്രസ് റദ്ദാക്കിയത്.
തിരുവനന്തപുരം-നാഗര്‍കോവില്‍ ഭാഗത്ത് പാളത്തില്‍ മണ്ണിടിഞ്ഞതിന്റെ തടസ്സം പൂര്‍ണമായും മാറ്റാന്‍ കഴിഞ്ഞില്ലാത്തതിനാല്‍ ഇതുവഴിയുള്ള തീവണ്ടികള്‍ പൂര്‍ണമായും റദ്ദാക്കി. കൊല്ലം-തിരുവനന്തപുരം, നാഗര്‍കോവില്‍-തിരുവനന്തപുരം, തിരുവനന്തപുരം-നാഗര്‍കോവില്‍(ഇരുവശത്തേക്കും) എന്നിവ തിങ്കളാഴ്ച റദ്ദാക്കിയിട്ടുണ്ട്.
മറ്റു ക്രമീകരണങ്ങള്‍ ഇങ്ങനെ
തിരുനെല്‍വേലി-ജാംനഗര്‍ ദ്വൈവാര എക്‌സ്പ്രസ് തിരുവനന്തപുരത്തുനിന്നും യാത്ര തിരിക്കും.
തിരുച്ചിറപ്പള്ളി-തിരുവനന്തപുരം ഇന്റര്‍സിറ്റി എക്‌സ്പ്രസ് തിരുനെല്‍വേലിയില്‍ യാത്ര അവസാനിപ്പിക്കും.
തിരുവനന്തപുരം-തിരുച്ചിറപ്പള്ളി ഇന്റര്‍സിറ്റി തിരുനെല്‍വേലിയില്‍ നിന്നു പുറപ്പെടും.
പുനലൂര്‍-മധുര എക്‌സ്പ്രസ് തിരുനെല്‍വേലിയില്‍ നിന്നു യാത്രതിരിക്കും.
കൊല്ലം-ചെന്നൈ എഗ്മോര്‍ അനന്തപുരി, നാഗര്‍കോവിലില്‍നിന്നും തുടങ്ങും.
നാഗര്‍കോവില്‍-മംഗലാപുരം പരശുറാം എക്‌സ്പ്രസ് തിരുവനന്തപുരം സെന്‍ട്രലില്‍ നിന്നു യാത്രതിരിക്കും. മംഗലാപുരത്തുനിന്നുള്ള പരശുറാം തിരുവനന്തപുരം സെന്‍ട്രലില്‍ യാത്ര അവസാനിപ്പിക്കും.
നാഗര്‍കോവില്‍-മംഗലാപുരം ഏറനാട് എക്‌സ്പ്രസ് തിരുവനന്തപുരത്തു നിന്ന് യാത്ര തുടങ്ങുകയും മടക്കയാത്ര ഇവിടെ അവസാനിപ്പിക്കുകയും ചെയ്യും.
ബെംഗളൂരു ഐലന്‍ഡ് എക്‌സ്പ്രസ് കൊല്ലത്തുനിന്നും പുറപ്പെടും.
നാഗര്‍കോവില്‍-കോട്ടയം പ്രതിദിന എക്‌സ്പ്രസ് കായംകുളത്തുനിന്നും തുടങ്ങും.
എഗ്മോര്‍-ഗുരുവായൂര്‍ എക്‌സ്പ്രസ് തിരുനെല്‍വേലിയില്‍ യാത്ര അവസാനിപ്പിക്കും.
മധുരൈ-പുനലൂര്‍ എക്‌സ്പ്രസ് തിരുനെല്‍വേലിയില്‍ യാത്ര അവസാനിപ്പിക്കും.
ചെന്നൈ എഗ്മോര്‍ - കൊല്ലം അനന്തപുരി എക്‌സ്പ്രസ് നാഗര്‍കോവിലില്‍ യാത്ര അവസാനിപ്പിക്കും
ബംഗളൂരു-കന്യാകുമാരി ഐലന്‍ഡ് എക്‌സ്പ്രസ് (21നു പുറപ്പെടുന്നത്) കൊല്ലം ജങ്ഷനില്‍ യാത്ര അവസാനിപ്പിക്കും
ഗുരുവായൂര്‍-ചെന്നൈ എഗ്മോര്‍ എക്‌സ്പ്രസ് (21ന് പുറപ്പെടുന്നത്) തിരുനെല്‍വേലിയില്‍ നിന്നും തുടങ്ങും
ജാംനഗര്‍-തിരുനെല്‍വേലി ദ്വൈവാര എക്‌സ്പ്രസ് (20ന് പുറപ്പെട്ടത്) തിരുവനന്തപുരം സെന്‍ട്രലില്‍ യാത്ര അവസാനിപ്പിക്കും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ