തൃശൂർ: വീട്ടിൽ കൂട്ടിലിട്ട് വളർത്തിയ തത്തയെ കസ്റ്റഡിയിലെടുത്ത് കേസെടുത്തു. ചാലക്കുടി സ്വദേശിയുടെ വീട്ടിൽ തത്തയെ വളർത്തുന്നുവെന്ന പരാതിയുടെ അടിസ്ഥാനത്തിലാണ് കേസ്. തത്തയെ ചാലക്കുടി കൊന്നക്കുഴി ഫോറസ്റ്റ് സ്റ്റേഷൻ ഉദ്യോഗസ്ഥരാണ് കസ്റ്റഡിയിലെടുത്തത്. 

അകമലയിലെ വനംവകുപ്പിന്റെ വെറ്ററിനറി ക്ലിനിക്കിൽ ശനിയാഴ്ചയാണ് തത്തയെ എത്തിച്ചത്. സുരക്ഷ മുൻനിർത്തിയാണ് വനം വെറ്ററിനറി ഡോക്ടർ ഡേവിഡ് അബ്രഹാമിന് തത്തയെ കൈമാറിയത്. വനം-വന്യജീവി പരിരക്ഷയിൽ ഷെഡ്യൂൾ നാലിൽ പെടുന്നതാണ് തത്ത.

ചാലക്കുടി കോടതിയിൽ കേസ് സമർപ്പിച്ചു. കോടതി ഉത്തരവ് വാങ്ങി തത്തയെ പറത്തിവിടും.