തൃശൂർ: സ്വകാര്യ ബസിന് നേരെ കല്ലെറിഞ്ഞ് യാത്രക്കാരിക്ക് പരിക്കേറ്റ സംഭവത്തിൽ പ്രതി അറസ്റ്റിൽ. കുന്നംകുളം കാണിപ്പയ്യൂരിലാണ് സംഭവം. കുന്നംകുളം ഇന്ദിരാനഗറില് കിടങ്ങൂര് വീട്ടില് രവി (56)യാണ് അറസ്റ്റിലായത്.
കല്ലേറില് ചാലിശ്ശേരി പെരുമണ്ണൂര് സ്വദേശി പ്രേമലത(47)യ്ക്കാണ് തലയ്ക്ക് പരിക്കേറ്റത്. ഇവര് സ്വകാര്യ ആശുപത്രിയില് ചികിത്സ തേടി.
തൃശൂരില് നിന്ന് കുന്നംകുളത്തേക്ക് വന്ന സ്വകാര്യ ബസില് വച്ച് ഇയാൾ ബഹളമുണ്ടാക്കിയിരുന്നു. പിന്നാലെ ഇയാളെ ജീവനക്കാര് കാണിപ്പയ്യൂര് പോസ്റ്റോഫീസ് സ്റ്റോപ്പ് എത്തുന്നതിനു മുൻപ് ഇറക്കിവിട്ടു. ഇതിന്റെ ദേഷ്യം തീര്ക്കാനാണ് ബസിന് കല്ലെറിഞ്ഞതെന്ന് പൊലീസ് വ്യക്തമാക്കി.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള് അറിയാന് ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ