തൃശൂര്‍: കുന്നംകുളത്തെ പെട്രോള്‍ പമ്പുകളില്‍ മോഷണം. ഞായറാഴ്ച്ച രാത്രിയാണ് മോഷണം നടന്നത്. 4 ലക്ഷത്തോളം രൂപ മോഷണം പോയി. കുന്നംകുളം പട്ടാമ്പി റോഡിലെ ലാവിഷ് പ്രീമിയറിന് സമീപത്തുള്ള സി കെ താവു പെട്രോള്‍ പമ്പ്, യൂണിറ്റി ആശുപത്രിക്ക് മുന്‍വശത്തുള്ള മാള ഫ്യൂവല്‍സ് എന്നിവിടങ്ങളിലാണ് മോഷണം നടന്നത്. ഇതില്‍ പട്ടാമ്പി റോഡിലെ പെട്രോള്‍ പമ്പില്‍ നിന്ന് 4 ലക്ഷത്തോളം രൂപ മോഷണം പോയിട്ടുണ്ട്.
യൂണിറ്റി ആശുപത്രിക്ക് മുന്‍വശത്തെ മാള ഫ്യുവല്‍സിലെ സിസിടിവി ക്യാമറകള്‍ നശിപ്പിച്ചിട്ടുണ്ട്. പട്ടാമ്പി റോഡിലെ പെട്രോള്‍ പമ്പിലെ സിസിടിവി ക്യാമറകള്‍ പ്രവര്‍ത്തനരഹിതമാണ്. സംഭവത്തില്‍ കുന്നംകുളം സി ഐ വി സി സൂരജിന്റെ നേതൃത്വത്തിലുള്ള പൊലീസ് സംഘം പ്രീതിക്കായുള്ള അന്വേഷണം ആരംഭിച്ചു.
ഈ വാര്‍ത്ത കൂടി വായിക്കാം കായംകുളത്ത് മധ്യവയസ്‌കനെ ചവിട്ടിക്കൊന്ന കേസ്: മൂന്നുപേര്‍ അറസ്റ്റില്‍
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ