തിരുവനന്തപുരം: കനത്തമഴയെ തുടര്‍ന്ന് ഉണ്ടായ മലവെള്ളപ്പാച്ചിലില്‍ കാര്‍ ഒലിച്ചുപോയി. കാറില്‍ ഉണ്ടായിരുന്ന തിരുനെല്‍വേലി സ്വദേശികളായ മൂന്ന് പേരെ രക്ഷപ്പെടുത്തി. ഇവരെ പ്രാഥമിക ചികിത്സയ്ക്കായി ആശുപത്രിയില്‍ പ്രവേശിപ്പിച്ചു.
വിതുരയില്‍ കല്ലാറിന് സമീപമാണ് സംഭവം.മീന്‍മുട്ടി വെള്ളച്ചാട്ടം കാണാന്‍ എത്തിയവരുടെ വാഹനമാണ് മലവെള്ളപ്പാച്ചിലില്‍ അകപ്പെട്ടത്. കാറില്‍ ഉണ്ടായിരുന്ന മൂന്ന് പേരെയും രക്ഷപ്പെടുത്തി. ഒലിച്ചുപോയ കാര്‍ പാറക്കെട്ടില്‍ തങ്ങിനില്‍ക്കുകയാണ്. കാര്‍ വീണ്ടെടുക്കാനുള്ള ശ്രമം തുടരുകയാണ്.
പ്രദേശത്ത് ഇന്നലെ മുതല്‍ ശക്തമായ മഴയാണ്. പ്രദേശത്തെ പ്രധാന വിനോദസഞ്ചാര കേന്ദ്രമാണ് മീന്‍മുട്ടി വെള്ളച്ചാട്ടം. ഇത് കാണാന്‍ എത്തിയ തിരുനെല്‍വേലി സ്വദേശികളാണ് അപകടത്തില്‍പ്പെട്ടത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ