തിരുവനന്തപുരം: സാങ്കേതിക സര്വകലാശാല താല്ക്കാലിക വിസി നിയമനവുമായി ബന്ധപ്പെട്ട ഹൈക്കോടതി വിധിക്കെതിരെ ഹര്ജി നല്കാമെന്ന് ഗവര്ണര്ക്ക് നിയമോപദേശം. ഗവര്ണര് നിയമിച്ച താല്ക്കാലിക വി സി ഡോ. സിസാ തോമസിനെ മാറ്റാന് ഹൈക്കോടതി നിര്ദേശിച്ചിട്ടില്ലെന്നാണ് നിയമോപദേശത്തിലെ പ്രധാന നിരീക്ഷണം.
നിയമനരീതിയും കോടതി ചോദ്യം ചെയ്തിട്ടില്ല. സര്ക്കാര് സമര്പ്പിക്കുന്ന പാനലില്നിന്നു താത്കാലിക വിസിയെ നിയമിക്കാനും നിര്ദേശിച്ചിട്ടില്ല. ഇക്കാരണങ്ങളാല് സര്ക്കാര് പാനല് അംഗീകരിക്കേണ്ടതില്ലെന്നാണ് നിയമോപദേശം.
ഈ സാഹചര്യത്തില് സര്ക്കാര് നിര്ദേശിച്ച മൂന്നംഗ പാനലില് നിന്നും തിടുക്കപ്പെട്ട് ഗവര്ണര് നിയമനം നടത്തിയേക്കില്ലെന്നാണ് റിപ്പോര്ട്ടുകള്. കൂടാതെ, കോടതി വിധിക്കെതിരെ ഗവര്ണര് അപ്പീല് നല്കിയാല്, വീണ്ടും സര്ക്കാരുമായി ഏറ്റുമുട്ടലിന് കളമൊരുങ്ങും. സര്ക്കാര് നിര്ദേശിച്ച പാനലില് നിന്നും പുതിയ വിസിയെ നിയമിക്കണമെന്ന് മന്ത്രി ബിന്ദു കൂടിക്കാഴ്ചയില് ഗവര്ണറോട് ആവശ്യപ്പെട്ടേക്കും.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ