തിരുവനന്തപുരം: വര്‍ക്കലയില്‍ പനയറ തൃപ്പോരിട്ടക്കാവ് ക്ഷേത്രത്തില്‍ കവര്‍ച്ച. കാണിക്ക വഞ്ചികള്‍ തകര്‍ത്ത് പണം കവര്‍ന്നു. ഓട് പൊളിച്ചാണ് മോഷ്ടാവ് ക്ഷേത്രത്തിനുള്ളില്‍ കയറിയത്. ഇന്നലെ രാത്രിയായിരുന്നു സംഭവം.
സംഭവത്തിന്റെ സിസിടിവി ദൃശ്യങ്ങള്‍ ലഭിച്ചിട്ടുണ്ട്. പണവും വിലപിടിപ്പുള്ള പല സാധനങ്ങളും മോഷണം പോയതായി ക്ഷേത്രത്തിലെത്തിയ ജീവനക്കാര്‍ പറഞ്ഞു. വിരലടയാള വിദഗ്ധരെത്തി പരിശോധന ആരംഭിച്ചു.
കോഴിക്കോടും നാദാപുരത്തും ഇന്നലെ സമാന രീതിയിലുള്ള മോഷണം നടന്നിരുന്നു. നരിക്കാട്ടേരി ശ്രീ സുദര്‍ശന ക്ഷേത്രത്തിലാണ് മോഷണം നടന്നത്. ക്ഷേത്രത്തിന് പുറത്തുള്ള രണ്ട് ഭണ്ഡാരങ്ങളില്‍ നിന്നാണ് മോഷണം നടന്നത്. അരലക്ഷം രൂപയോളം ഇവിടെ നിന്ന് മോഷണം പോയതായാണ് കണക്കാക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ