തൊടുപുഴ: ഇടുക്കി ചെറുതോണി അണക്കെട്ടില്‍ സുരക്ഷാ വീഴ്ചയെന്ന് പരാതി.  ഡാമിനുള്ളില്‍ യുവാവ് അതിക്രമിച്ചു കയറുകയായിരുന്നു. സംഭവത്തില്‍ കെഎസ്ഇബി ഇടുക്കി പൊലീസില്‍ പരാതി നല്‍കി. പൊലീസ് അന്വേഷണം ആരംഭിച്ചു.

ഡാമില്‍ കയറിയ യുവാവ് ഹൈമാസ്റ്റ് ലൈറ്റിന് ചുവട്ടില്‍ താഴിട്ട് പൂട്ടി. ഷട്ടര്‍ ഉയര്‍ത്തുന്ന റോപ്പില്‍ ദ്രാവകം ഒഴിച്ചു. ജൂലൈ 22ന് പകല്‍ 3.15നാണ് സംഭവമുണ്ടായത്. സിസിടിവി ദൃശ്യങ്ങളില്‍ യുവാവ് കടന്നുപോകുന്ന ദൃശ്യങ്ങള്‍ ലഭിച്ചു. കെഎസ്ഇബിയുടെ പരാതിയില്‍ ഇടുക്കി പൊലീസ് കേസെടുത്തു.

അതേസമയം ഇടുക്കി, ചെറുതോണി അണക്കെട്ടുകള്‍ ഒക്ടോബർ 31 വരെ സന്ദർശിക്കാം. ജനങ്ങളുടെ താത്പര്യമടക്കം പരിഗണിച്ചാണ് സമയം നീട്ടിയത്. ഓണം പ്രമാണിച്ച് ഓഗസ്റ്റ് പകുതിയോടെയാണ് അണക്കെട്ടുകൾ തുറന്നത്. 

ഈ വാര്‍ത്ത കൂടി വായിക്കൂ

​ഗ്യാസിൽ നിന്ന് തീപടർന്നപ്പോൾ വീട്ടിൽ നിന്ന് ഇറങ്ങി ഓടി യുവാവ്: രക്ഷിക്കാനെത്തിയതെന്ന് വാദം, കസ്റ്റഡിയിൽ​

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ