പ്രതിയെ പിടികൂടിയ ആര്‍പിഎഫ് സംഘം
എക്‌സ്
കേരളം
വന്ദേഭാരതിന് കല്ലെറിഞ്ഞ പ്രതി പിടിയില്‍
കോഴിക്കോട്: വടകരയ്ക്ക് സമീപത്തുവച്ച് വന്ദേഭാരത് ട്രെയിനിനു കല്ലെറിഞ്ഞ സംഭവത്തില്‍ പ്രതി പിടിയില്‍. കണ്ണുക്കര സ്വദേശി രവീന്ദ്രനാണ് പിടിയിലായത്. ജനുവരി 25നായിരുന്നു സംഭവം. പ്രതിയെ കോഴിക്കോട് സിജെഎം കോടതിയില്‍ ഹാജരാക്കി 14 ദിവസത്തേക്ക് റിമാന്‍ഡ് ചെയ്തു.
കല്ലേറു കേസുമായി ബന്ധപ്പെട്ട് ആര്‍പിഎഫ് പ്രത്യേക അന്വേഷണ സംഘമാണ് പ്രതിയെ പിടികൂടിയത്. അന്വേഷണ സംഘത്തില്‍ കോഴിക്കോട് ആര്‍പിഎഫ് സര്‍ക്കിള്‍ ഇന്‍സ്പെക്ടര്‍മാരായ ഉപേന്ദ്രകുമാര്‍, സബ് ഇന്‍സ്പെക്ടര്‍ ടിഎം ധന്യ, എഎസ്‌ഐമാരായ പിപി ബിനീഷ്, എ നന്ദഗോപാല്‍ എന്നിവരാണ് ഉണ്ടായിരുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ