ഓട്ടോയില്‍ നിന്ന് തെറിച്ചുവീണു; 7 വയസുകാരനെ ഇടിച്ചിട്ട കാര്‍ നിര്‍ത്താതെ പോയി; ഗുരുതരാവസ്ഥയില്‍ ആശുപത്രിയില്‍
കൊച്ചി: ആലുവ കുട്ടമശേരിയില്‍ ഓട്ടോയില്‍ നിന്ന് തെറിച്ചുവീണ ഏഴുവയസുകാരനെ ഇടിച്ചിട്ട കാര്‍ നിര്‍ത്താതെ പോയി. ഗുരുതര പരുക്കേറ്റ വാഴക്കുളം സ്വദേശി നിഷികാന്ത് വെന്റിലേറ്ററില്‍ ചികിത്സയിലാണ് കാര്‍ കണ്ടെത്താന്‍ അന്വേഷണം തുടങ്ങി. അപകടത്തിന്റെ സിസിടിവി ദൃശ്യങ്ങള്‍ പുറത്തുവന്നു.
അച്ഛനൊപ്പം ഓട്ടോയില്‍ പോകുകയായിരുന്ന കുട്ടി അബദ്ധത്തില്‍ തെറിച്ചുവീഴുകയായിരുന്നു. റോഡില്‍ വീണ കുട്ടി എഴുന്നേറ്റിരിക്കുന്നതിനിടെ എത്തിയ കാര്‍ കുട്ടിയെ ഇടിച്ചിടുകയായിരുന്നു. അതിനുശേഷം വാഹനം നിര്‍ത്താതെ പോകുന്നത് സിസിടിവി ദൃശ്യങ്ങളില്‍ കാണാം.
വൈകീട്ട് ദൃശ്യങ്ങള്‍ ഉള്‍പ്പടെ, വിവരം പൊലീസിനെ അറിയിച്ചിട്ടും നടപടിയെടുക്കാന്‍ തയ്യാറായിട്ടില്ലെന്ന് ബന്ധുക്കള്‍ ആരോപിക്കുന്നു. നാളെ രാവിലെ സ്റ്റേഷനില്‍ എത്തി നേരിട്ട് പരാതി നല്‍കിയ ശേഷമെ നടപടി സ്വീകരിക്കാന്‍ കഴിയുകയുള്ളുവെന്നാണ് പൊലീസ് പറയുന്നത്. എന്നാല്‍ ആശുപത്രിയില്‍ നിന്ന് മാറി നില്‍ക്കാന്‍ കഴിയാത്ത സാഹചര്യമാണെന്ന് മാതാപിതാക്കള്‍ അറിയിച്ചിട്ടും പരാതി നല്‍കിയ ശേഷമേ നടപടി സ്വീകരിക്കാന്‍ കഴിയുകയുള്ളുവെന്നും പൊലീസ് പറഞ്ഞതെന്ന് ബന്ധുക്കള്‍ പറയുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ