ദുബൈയ്: ലോകത്തിലെ ഏറ്റവും വലിയ കെട്ടിടമായ ബുര്‍ജ് ഖലീഫയ്ക്ക് ശേഷം കറങ്ങുന്ന കെട്ടിടമുണ്ടാക്കാന്‍ പോകുകയാണ് ദുബൈയ്.  2006ല്‍ പ്രഖ്യാപനം നടത്തിയ ഈ പദ്ധതിയുടെ പേര് ഡൈനാമിക് ടവര്‍ എന്നാണ്. 2020 ഓടെ പദ്ധതി നടപ്പിലാക്കാനാണ് ഉദ്ദേശ്യം. നിര്‍മ്മാണം നടത്തുന്നത് ഡൈനാമിക് ആര്‍കിടെക്ച്ചര്‍ എന്ന കമ്പനിയാണ്.

 360 ഡിഗ്രിയില്‍ കറങ്ങുന്ന അപ്പാര്‍ട്ടുമെന്റുകളാണ് കെട്ടിടത്തിന്റെ പ്രത്യേകത. ഏത് വശത്തേക്കാണോ തിരിക്കേണ്ടത് ആ വശത്തേക്ക് ടെക്‌നോളജി ഉപയോഗിച്ച് തിരിക്കാന്‍ കഴിയും. മാത്രവുമല്ല സ്വതന്ത്രമായി കറങ്ങാനും അപ്പാര്‍ട്ട്‌മെന്റുകള്‍ക്ക് സാധിക്കും. 

80 നിലയുള്ള കെട്ടിടത്തിന് 1.2 മില്ല്യന്‍ സ്‌ക്വര്‍ ഫീറ്റ് വിസ്തൃതിയും 420 മീറ്റര്‍ ഉയരവുമാണ് ഉണ്ടാവുക. നിര്‍മ്മാണം പൂര്‍ത്തിയാകുന്നതോടെ ലോകത്തിലെ ആദ്യത്തെ 4 ഡി അംബരചുംബിയായി ഇത് മാറും.

സ്വന്തമായി വൈദ്യുതി ഉഓല്‍പ്പാദിപ്പിക്കാന്‍ കെല്‍പ്പുള്ളതായിരിക്കും കെട്ടിടം. ഓരോ നിലകള്‍ക്ക് താഴേയും വിന്റ് ടര്‍ബൈനുകളുണ്ട്. ഈ ടര്‍ബൈനുകളാണ് കെട്ടിടത്തിന് വേണ്ട വൈദ്യുതി ഉത്പാദിപ്പിക്കുക.