മെക്സിക്കോയിലെ സിനലോല എന്ന പ്രദേശത്ത് യുവാവിനെ വിമാനത്തില് നിന്നും താഴേക്കെറിഞ്ഞു. ആശുപത്രി കെട്ടിടത്തിന് മുകളിലേക്കാണ് വിമാനത്തില് നിന്നും ഇയാളെ എറിഞ്ഞത്. മയക്കുമരുന്ന് മാഫിയയാണ് ഇതിന് പിന്നിലെന്നാണ് അധികൃതരുടെ വിലയിരുത്തല്.
ജീവനോടെയാണോ ഇയാളെ താഴേക്കെറിഞ്ഞിരിക്കുന്നതെന്ന് വ്യക്തമല്ല. ബുധനാഴ്ച പ്രാദേശിക സമയം രാവിലെ 7.30ടെയായിരുന്നു സംഭവം. എല്ദോരാഡോ ടൗണിലെ ഐഎംഎസ്എസ് ആശുപത്രി കെട്ടിടത്തിലേക്കാണ് മൃതദേഹം എറിഞ്ഞത്. ആശുപത്രിക്ക് മുകളിലൂടെ വിമാനം താഴ്ന്ന് പറക്കുകയായിരുന്നുവെന്ന് ദൃക്സാക്ഷികള് പറയുന്നു.
ഇതുകൂടാതെ രണ്ട് പേരുടെ മൃതദേഹങ്ങളും ഇതേ നഗരത്തില് നിന്നും കണ്ടെത്തിയിട്ടുണ്ട്. ഇവരേയും വിമാനത്തിനുള്ളില് നിന്നും താഴേക്കെറിഞ്ഞതായിരിക്കാം എന്നാണ് സൂചന.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ