കൊളംബോ: ശ്രീലങ്കയുടെ തലസ്ഥാന നഗരം കൊളംബോയില്‍ ഭീമന്‍ ചവറുകൂന ഇടിഞ്ഞുവീണ് 16 മരണം. ഒട്ടേറെപ്പേര്‍ക്ക് പരിക്ക്. സമീപത്തുള്ള 145 വീടുകള്‍ക്ക് തകരാറ് സംഭവിച്ചു. 300അടി ഉയരമുള്ള ചവറ് കൂനയാണ് തകര്‍ന്നു വീണത്. മരണസംഖ്യ ഇനിയും ഉയരുന്നതിനുള്ള സാധ്യതയുണ്ടെന്നാണ് വിവരം. മാലിന്യ കൂമ്പാരത്തിനടിയില്‍ അകപ്പെട്ടവരെ പുറത്തെടുക്കാനുള്ള ശ്രമം തുടരുകായണ്. വര്‍ഷങ്ങളായി മാലിന്യം നിക്ഷേപിച്ചിരുന്ന സ്ഥലത്ത് തീപിടിച്ചതിനെത്തുടര്‍ന്ന് 91 മീറ്റര്‍ ഉയരമുള്ള മാലിന്യ മല സമീപത്തെ കെട്ടിടങ്ങളുടെ മുകളിലേക്ക് ഇടിഞ്ഞുവീഴുകയായിരുന്നു.