വാഷിങ്ടണ്‍: കോടതി ഇടപെടലിനെത്തുടര്‍ന്ന് നടപ്പാക്കാനാവാതെ പോയ കുടിയേറ്റ വിലക്കില്‍ യുഎസ് പ്രസിഡന്റ് ഡോണള്‍ഡ് ട്രംപ് വരുത്തിയ ഭേദഗതിയും ലക്ഷ്യം വയ്ക്കുന്നത് ഏഴ് ഇസ്ലാമിക രാജ്യങ്ങളെത്തന്നെ. ആദ്യം ഇറക്കിയ ഉത്തരവില്‍ പരാമര്‍ശിച്ചിട്ടുള്ള ഏഴു രാജ്യങ്ങളെ പേരെടുത്ത് പറഞ്ഞുതന്നെയാണ് പുതിയ ഉത്തരവും തയാറാക്കിയിരിക്കുന്ന്ത എന്നാണ് സൂചനകള്‍. ഇറാന്‍, ഇറാഖ്, സിറിയ, യെമന്‍, സൊമാലിയ, സുഡാന്‍, ലിബിയ എന്നീ മുസ്ലീം രാജ്യങ്ങള്‍ക്കാണ് ഉത്തരവു പ്രകാരം അമേരിക്കയിലേക്ക് പ്രവേശിക്കാന്‍ വിലക്കു വരിക. വിലക്ക് ഏര്‍പ്പെടുത്തുന്ന രാജ്യങ്ങളില്‍നിന്ന് നിലവില്‍ യുഎസ് വിസയുള്ളവര്‍ക്ക് പ്രവേശന വിലക്ക് ബാധകമാവില്ല എന്നതാണ് പ്രധാനമായും വരുത്തിയ ഭേദഗതി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ