ബ്രക്‌സിറ്റിനെകുറിച്ചുള്ള വിശദാംശങ്ങള്‍ നല്‍കികൊണ്ട് ബിബിസിയുടെ വാര്‍ത്തയ്ക്കിടെ പൊളിറ്റിക്കല്‍ കറസ്‌പോണ്ടന്റ് എമ്മാ വാര്‍ഡി ലൈവ് വന്നപ്പോഴായിരുന്നു അബദ്ധം സംഭവിച്ചത്. തെരേസ മെയെകുറിച്ച് എമ്മ സംസാരിക്കാന്‍ ആരംഭിച്ചപ്പോഴാണ് റിപ്പോര്‍ട്ടറുടെ ശബ്ദം മറികടന്നുകൊണ്ട് ഒരു അപശബ്ദം കാഴ്ചകാരുടെ ശ്രദ്ധ തിരിച്ചത്. ഏകദേശം ഒരു മിനിറ്റോളം നീണ്ട ശബ്ദത്തിലേക്ക് ശ്രദ്ധതിരിക്കാതെ എമ്മ തന്റെ വിവരണം തുടര്‍ന്നു. ബിബിസി ബ്രേക്ഫാസ്റ്റ് പരിപാടിക്കിടെയായിരുന്നു ലെംഗിക വേഴ്ചയുടെ ശബ്ദം ലൈവിനിടയില്‍ കടന്നുവന്നത്. എമ്മയുടെ വിവരണത്തിന് ശേഷം സ്‌ക്രീനില്‍ പ്രത്യക്ഷപ്പെട്ട അവതാരകരായ നഗാ മുന്‍ചെട്ടിയും ചാര്‍ളി സ്റ്റൈയ്റ്റും അപശബ്ദത്തെക്കുറിച്ച്‌ സംസാരിച്ചില്ല.
എന്നാല്‍ പരിപാടി കണ്ട പ്രേക്ഷകര്‍ സംഭവം ഉടനെ ട്വിറ്ററില്‍ കുറിച്ചു.
'ബിബിസി റിപ്പോര്‍ട്ടിനിടെ കേട്ട പോണ്‍ സൗണ്ട് ഇഫക്ട് എന്തായിരുന്നു', 'ബിബിസി ബ്രേക്ഫാസ്റ്റിനിടെ ആരോ ലൈംഗീക ശബ്ദം നിറഞ്ഞ വീഡിയോകള്‍ പ്ലേ ചെയ്തുകൊണ്ടിരുന്നു', എന്നിങ്ങനെ നീളുന്നു ട്വീറ്റുകള്‍. ശ്രദ്ധതെറ്റിക്കാതെ പിടിച്ചുനിന്ന എമ്മയെ അഭിനന്ദിച്ചും ട്വീറ്റുകള്‍ പ്രത്യക്ഷപ്പെടുന്നുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ