ന്യൂയോര്‍ക്ക്: ലഹരിക്കായി ഡിയോഡറന്റ് മുഖത്തേയ്ക്ക് അടിച്ച 19കാരന് ദാരുണാന്ത്യം. യുവാവിന് ഹൃദയാഘാതം സംഭവിക്കുകയായിരുന്നുവെന്നാണ് റിപ്പോര്‍ട്ടുകള്‍.
അമേരിക്കയിലാണ് സംഭവം. ലഹരി മരുന്നിന് അടിമയായിരുന്ന യുവാവ് അടുത്തിടെയാണ് ലഹരി മരുന്ന് വിമോചന കേന്ദ്രത്തില്‍ നിന്നും ചികിത്സ കഴിഞ്ഞ് പുറത്തിറങ്ങിയത്. എന്നാല്‍, വീണ്ടും ലഹരി ഉപയോഗിക്കാനുള്ള പുതു വഴികള്‍ തേടുന്നതിനിടെ യുവാവ് ഡിയോഡറന്റ് പരീക്ഷണം നടത്തുകയായിരുന്നു.
മുഖം ടവ്വല്‍ കൊണ്ട് മറച്ച ശേഷം ഡിയോഡറന്റ് വായിലേയ്ക്ക് അടിച്ച യുവാവിന് ഹൃദയാഘാതം സംഭവിക്കുകയായിരുന്നു. സുഗന്ധത്തിനായി ഉപയോഗിക്കുന്ന സ്‌പ്രേ വായിലേയ്ക്ക് അടിച്ചതാകാം മരണകാരണമെന്നാണ് നിഗമനം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ