ഒറിഗൻ: ‘ഭർത്താവിനെ എങ്ങനെ വധിക്കാം’ എന്ന പേരിൽ ലേഖനം എഴുതിയ അമേരിക്കൻ നോവലിസ്റ്റ് അത് സ്വന്തം ജീവിതത്തിലും പകർത്തി. 
സ്വന്തം ഭർത്താവിനെ കൊലപ്പെടുത്തിയ കേസിൽ കാല്പനിക എഴുത്തുകാരി നാൻസി ക്രാംപ്റ്റൺ-ബ്രോഫി (68) നെയാണ് ഒറിഗനിലെ പോർട്ട്‌ലാൻഡ് പോലീസ് അറസ്റ്റുചെയ്തത്.

ജൂൺ രണ്ടിനാണ് നാൻസിയുടെ ഭർത്താവും പാചക അധ്യാപകനുമായ ഡാനിയേൽ സി. ബ്രോഫി വെടിയേറ്റു മരിച്ചത്. ഒറി​ഗോണിലെ കുലിനറി ഇൻസ്റ്റിറ്റ്യൂട്ടിലെ ജീവനക്കാരനാണ് അദ്ദേഹം. നാൻസിയും ഡാനിയേലും 27 വർഷമായി ഒരുമിച്ചുജീവിക്കുകയാണ്. അതേസമയം, കൊലയിൽ നാൻസിക്കുള്ള പങ്കിനെക്കുറിച്ച് വ്യക്തമായ തെളിവുകളൊന്നും പോലീസ് പുറത്തുവിട്ടില്ല.കൊലപാതകത്തിനും നിയമവിരുദ്ധമായി ആയുധം ഉപയോഗിച്ചതിനുമാണ് നാൻസിയുടെപേരിൽ കേസെടുത്തിരിക്കുന്നത്.

എന്നാൽ കൊലപാതകം നടത്തിയത് നാൻസിയാണെന്നാണ് പൊലീസിന്റെ നി​ഗമനം. 2011 ൽ വാഷിം​ഗ് ടൺ പോസ്റ്റിലാണ് നാൻസി ഭർത്താവിനെ എങ്ങനെ വധിക്കാം എന്ന പേരിൽ ലേഖനം എഴുതിയത്. ബ്രോഫി കൊല്ലപ്പെട്ടതിന്റെ പിറ്റേന്ന് ,ഭർത്താവിന്റെ മരണത്തിൽ തീവ്രവേദന രേഖപ്പെടുത്തിക്കൊണ്ട് ഫെയ്സ്ബുക്കിൽ പോസ്റ്റിട്ട നാൻസി, മെഴുകുതിരി കത്തിച്ചുള്ള പ്രാർഥനയ്ക്കും ആഹ്വാനംചെയ്തിരുന്നു.