ടെ​ക്സാ​സ്: അമേരിക്കയി​ലെ ടെ​ക്സാ​സി​ൽ വ്യാപാരകേന്ദ്രത്തിലുണ്ടായ വെടിവെയ്പിൽ 20 പേ​ർ കൊ​ല്ല​പ്പെ​ട്ടു. 26 പേ​ർ​ക്ക് പ​രി​ക്കേ​റ്റു. ടെ​ക്സാ​സി​ലെ എ​ൽ പാ​സോ ഷോപ്പിം​ഗ് സെന്ററിൽ പ്രാദേശിക സമയം 10.39 നാണ് വെ​ടി​വ​യ്പ് ഉ​ണ്ടാ​യ​ത്. സം​ഭ​വ​വു​മാ‍​യി ബ​ന്ധ​പ്പെ​ട്ട് അക്രമിയായ  21 വ​യ​സു​കാ​ര​നെ പൊലീസ് ക​സ്റ്റ​ഡി​യി​ൽ എ​ടു​ത്തു. 

സൈ​ലോ വി​സ്റ്റാ മാ​ളി​ന് സ​മീ​പ​മു​ള്ള വാ​ൾ​മാ​ർ​ട്ട് സ്റ്റോ​റി​ലാ​ണ് സം​ഭ​വം. ഡാ​ള​സി​ലെ അ​ല​ൻ സ്വ​ദേ​ശി​യാ​യ പാ​ട്രി​ക് ക്രൂ​സി​യ​ൻ എ​ന്ന​യാ​ളാ​ണ് അ​ക്ര​മി എ​ന്നാ​ണ് യുഎസ് മാധ്യമങ്ങൾ റി​പ്പോ​ർ​ട്ട് ചെയ്യുന്നത്. എ​ന്നാ​ൽ പൊ​ലീ​സ് ഇ​ക്കാ​ര്യം സ്ഥി​രീ​ക​രി​ച്ചി​ട്ടി​ല്ല.

ക​ട​യി​ലെ​ത്തി​യ അ​ക്ര​മി ആ​ളു​ക​ൾ​ക്ക് നേ​രെ തുരുതുരാ വെ​ടി​യു​തി​ർ​ക്കു​ക​യാ​യി​രു​ന്നു. സ്കൂ​ളി​ലേ​ക്കു​ള്ള സാ​ധ​ന​ങ്ങ​ളും മ​റ്റും വാ​ങ്ങു​ന്ന​തി​നാ​യി ആ ​സ​മ​യം നി​ര​വ​ധി പേ​ർ ക​ട​യി​ൽ ഉ​ണ്ടാ​യി​രു​ന്നു. ടെക്സാസിന്റെ ചരിത്രത്തിലെ ഏറ്റവും മോശം ദിനം എന്ന് ​ഗവർണർ അഭിപ്രായപ്പെട്ടു. അക്രമവുമായി ബന്ധപ്പെട്ട സ്ഥിതി​ഗതികൾ പ്രസിഡന്റ് ഡൊണൾഡ് ട്രംപ് വിലയിരുത്തി. 

അമേരിക്ക-മെക്സിക്കോ അതിർത്തിക്ക് ഏതാനും മൈലുകൾക്ക് അടുത്താണ് അക്രമം ഉണ്ടായത്. വെടിവെയ്പിൽ മെകിസിക്കൻ പൗരന്മാരായ മൂന്നുപേർ കൊല്ലപ്പെടുകയും ആറുപേർക്ക് പരിക്കേൽക്കുകയും ചെയ്തതായി മെക്സിക്കോ പ്രസിഡന്റ് മാനുവൽ ലോപസ് ഒബ്രഡോർ വ്യക്തമാക്കി.