ഇസ്ലാമാബാദ്: പാകിസ്ഥാനില്‍ സൈനിക വിമാനം തകര്‍ന്നു വീണ് 17 പേര്‍ മരിച്ചു. റാവല്‍പിണ്ടിയിലായിരുന്നു അപകടം. അഞ്ച് യാത്രക്കാരും 12 പ്രദേശവാസികളുമാണ് മരിച്ചത്.
പ്രദേശവാസികളായ 12 പേര്‍ക്ക് പരിക്കേറ്റിട്ടുണ്ട്. ഇവരില്‍ പലരുടേയും നില ഗുരുതരമാണെന്നാണ് റിപ്പോര്‍ട്ട്. ചൊവ്വാഴ്ച പുലര്‍ച്ചെയാണ് അപകടം. ഗാരിസണ്‍ നഗരത്തിലെ പാര്‍പ്പിട മേഖലയില്‍ വിമാനം തകര്‍ന്നു വീഴുകയായിരുന്നു.
മരിച്ചവരില്‍ 5 പേര്‍ സൈനീകരാണെന്നും സൂചനയുണ്ട്. അപകടത്തിലേക്ക് നയിച്ച കാരണം എന്തെന്ന് വ്യക്തമായിട്ടില്ല. വിമാനം തകര്‍ന്നു വീണ മേഖലയില്‍ വീടുകളിലേക്ക് തീ പടരുകയായിരുന്നു. പരിശീലന പറക്കലിന് ഇടയിലാണ് വിമാനം തകര്‍ന്നു വീണത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ