പാപ്പുവ ന്യൂഗിനി; പാപ്പുവ ന്യൂഗിനിയെ വിറപ്പിച്ച് 7.5 തീവ്രതയിലെ ഭൂചലനം. ന്യൂ ബ്രിട്ടന്‍ ഐലന്റിലെ കൊകോപോയില്‍ നിന്ന് വടക്ക് കിഴക്ക് മാറിയുള്ള മേഖലയില്‍ ഇന്നലെ രാത്രിയിലാണ് ഭൂകമ്പമുണ്ടായത്. അപകടത്തില്‍ നാശനഷ്ടങ്ങളൊന്നും റിപ്പോര്‍ട്ട് ചെയ്തിട്ടില്ല. ഭൂകമ്പത്തെ തുടര്‍ന്ന് പ്രദേശത്തെ വൈദ്യുത ബന്ധം വിച്ഛേദിക്കപ്പെട്ടു. സുനാമി ഭീഷണി നിലനില്‍ക്കുന്നതിനാല്‍ സുരക്ഷിത സ്ഥാനത്തേക്ക് രക്ഷപ്പെടുകയാണ് പ്രദേശവാസികള്‍. 

പ്രകൃതിദുരന്തങ്ങളുടെ കേന്ദ്രമാണ് കോകോപോ. ഈ വര്‍ഷം ആദ്യമായുണ്ടായ ശക്തമായ മഴയില്‍ ഒന്‍പതു പേര്‍ കൊല്ലപ്പെടുകയും നിരവധി കുടുംബങ്ങള്‍ക്ക് വീട് നഷ്ടപ്പെടുകയും ചെയ്തു. കഴിഞ്ഞ വര്‍ഷം 7.5 തീവ്രതയിലുണ്ടായ ഭൂകമ്പത്തില്‍ 125 പേര്‍ കൊല്ലപ്പെട്ടും. പസഫിക്കില്‍ ഭൂകമ്പങ്ങള്‍ക്ക് സാധ്യതയുള്ള റിങ് ഓഫ് ഫയര്‍ മേഖലയിലാണ് പാപ്പുവ ന്യൂഗിനി സ്ഥികിചെയ്യുന്നത്.