ന്യൂയോര്‍ക്ക്: കോവിഡ് 19 ബാധിച്ച് അമേരിക്കയില്‍ ഒന്നര മാസം പ്രായമുള്ള കുഞ്ഞ് മരിച്ചു. കോവിഡ് ലക്ഷണങ്ങളോടെ കഴിഞ്ഞ ദിവസം ആശുപത്രിയില്‍ പ്രവേശിപ്പിച്ച കുഞ്ഞ് കൊറോണ പോസിറ്റീവ് ആണെന്ന് സ്ഥിരീരിച്ചിരുന്നു. 

"കൊറോണ വൈറസ് ബാധയെത്തുടര്‍ന്ന് ഇത്രയും പ്രായം കുറഞ്ഞ കുട്ടി മരിക്കുന്ന ലോകത്തിലെ ആദ്യത്തെ സംഭവമാണിതെന്നാണ് ഞങ്ങള്‍ കരുതുന്നത്. കുട്ടിയുടെ മരണം ഹൃദയഭേദകമാണ്", ഗവര്‍ണര്‍  നെഡ് ലാമോണ്ട് ട്വീറ്റ് ചെയ്തു. കഴിഞ്ഞയാഴ്ച ഒന്‍പത് മാസം മാത്രം പ്രായമുള്ള കുട്ടിയും അമേരിക്കയില്‍ കൊറോണ ബാധിച്ച്‌ മരണപ്പെട്ടിരുന്നു. 

കോവിഡ് മരണനിരക്ക് അയ്യായിരം പിന്നിട്ട അമേരിക്കയിലെ സ്ഥിതി അതിരൂക്ഷമാണ്. 24 മണിക്കൂറിനിടെ 10,46 പേരാണ് മരിച്ചത്.