വാഷിങ്ടണ്‍ :  ലോകത്തെ ഭീതിയിലാക്കി കോവിഡ് പടരുന്നു. കോവിഡ് ബാധിച്ചുള്ള മരണം 1,77,000 കടന്നു. ഇതുവരെ മരിച്ചവരുടെ എണ്ണം 1,77, 611 ആയി. രോഗബാധിതരുടെ എണ്ണം 25 ലക്ഷവും കടന്നു.  25,56,526 പേരാണ് നിലവില്‍ രോഗം ബാധിച്ച് ചികില്‍സയിലുള്ളത്. രോഗബാധിതരില്‍ 57,250 പേര്‍ അതീവഗുരുതരാവസ്ഥയിലാണ്.

അമേരിക്കയില്‍ സ്ഥിതി രൂക്ഷമായി തുടരുകയാണ്. കോവിഡ് മരണം 45,000 കടന്നു. യുഎസില്‍ മരിച്ചവരുടെ എണ്ണം 45,318 ആയി. 24 മണിക്കൂറിനിടെ 2715 പേരാണ് മരിച്ചത്. അമേരിക്കയില്‍ രോഗബാധിതരുടെ എണ്ണം എട്ടുലക്ഷം കടന്നു. 8,18,744 രോഗബാധിതരാണ് നിലവില്‍ യുഎസില്‍ ചികില്‍സയിലുള്ളത്.

മരണത്തില്‍ അമേരിക്കയ്ക്ക് തൊട്ടുപിന്നിലുള്ള ഇറ്റലിയില്‍ 24,648 പേര്‍ക്കാണ് ജീവന്‍ നഷ്ടപ്പെട്ടത്. 1,83,957 പേര്‍ രോഗബാധിതരായി ചികില്‍സയിലാണ്. സ്‌പെയിനില്‍ 21,000 കടന്നു. 21,282 പേരാണ് മരിച്ചത്. ഫ്രാന്‍സിലും മരണം 20,000 കടന്നു. 20, 796 പേരാണ് കോവിഡ് ബാധിച്ച് മരിച്ചത്. ബ്രിട്ടനിലെ മരണ സംഖ്യ 17,000 കടന്നു. 17,337 പേരാണ് മരിച്ചത്. തുര്‍ക്കിയിലും, റഷ്യയിലും രോഗികള്‍ വര്‍ധിക്കുകയാണ്.