അപൂര്‍വ്വയിനം ഇരട്ടത്തലയുളള പാമ്പിനെ വീണ്ടും കണ്ടെത്തി. ഇതിന്റെ വീഡിയോ വ്യാപകമായാണ് പ്രചരിക്കുന്നത്.
അമേരിക്കയിലെ നോര്‍ത്ത് കരോളിനയിലാണ് പാമ്പിനെ കണ്ടെത്തിയത്. വീട്ടില്‍ അപൂര്‍വ്വയിനം പാമ്പ് ജീനി വില്‍സണിന്റെ ശ്രദ്ധയില്‍പ്പെടുകയായിരുന്നു.
ഇഴഞ്ഞുനീങ്ങുന്ന പാമ്പിനെ ശ്രദ്ധിച്ചപ്പോഴാണ് ഇരട്ടത്തല കണ്ടത്. മേശയുടെ അടിയിലൂടെ ഇഴഞ്ഞുനീങ്ങുന്ന പാമ്പിനെ കുറിച്ച് കുടുംബാംഗങ്ങളോട് വിളിച്ച്് അറിയിച്ചു. ഇതിന്റെ വീഡിയോ വ്യാപകമായാണ് സോഷ്യല്‍മീഡിയയില്‍ പങ്കുവെയ്ക്കുന്നത്.
പാമ്പിനെ കൊല്ലാതെ, ധൈര്യം സംഭരിച്ച് ബന്ധുക്കളുടെ സഹായത്തോടെ പാമ്പിനെ പിടിച്ച് ജാറിലിട്ടു. പിന്നീട് ചേര വിഭാഗത്തില്‍പ്പെട്ട കറുപ്പ് നിറമുളള പാമ്പിനെ സയന്‍സ് സെന്ററിലേക്ക് കൈമാറി. പാമ്പിന് നാലുമാസം പ്രായമുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ