ദുബായ്:  ജബൽ അലി തുറമുഖത്ത് വൻ തീപിടുത്തം. തുറമുഖത്ത് നങ്കൂരമിട്ടിരുന്ന കണ്ടെയ്നർ കപ്പലിൽ തീപിടിച്ച് വലിയ പൊട്ടിത്തെറിയുണ്ടായതായാണ് റിപ്പോർട്ട്. 

ബുധനാഴ്ച രാത്രി 12 മണിയോടെയായിരുന്നു അപകടം. നിലവിൽ തീ നിയന്ത്രണവിധേയമാണെന്നും ആളപായമില്ലെന്നും ദുബായ് മീഡിയ ഓഫീസ് അറിയിച്ചു. സിവിൽ ഡിഫൻസ് സംഘമെത്തിയാണ് തീയണച്ചത്.  14 ജീവനക്കാരാണ് കപ്പലിലുണ്ടായത്. ഇവരെ രക്ഷപെടുത്തി. 

കപ്പലിലെ 130  കണ്ടെയ്നറുകളിൽ മൂന്നെണ്ണത്തിൽ തീപിടിക്കാവുന്ന വസ്തുക്കളായിരുന്നുവെന്ന് ദുബായ് പൊലീസ് കമാൻഡർ  ഇൻ ചീഫ് ലെഫ്റ്റനൻറ് ജനറൽ അബ്ദുല്ല ഖലീഫ അൽ മാറി പറഞ്ഞു. അറബ് മേഖലയിലെ ഏറ്റവും വലിയതുറമുഖങ്ങളിലൊന്നാണ് ജബൽ അലിയിലേത്.