കുഞ്ഞിനെ രക്ഷിക്കാന്‍ ജീവന്‍ പോലും ത്യജിക്കാന്‍ മടിക്കാത്തവരാണ് അമ്മമാര്‍. ഇപ്പോള്‍ കുഞ്ഞിനെ രക്ഷിക്കാന്‍ അമ്മ ചെയ്യുന്ന പ്രവൃത്തിയാണ് വൈറലാകുന്നത്.

സുശാന്ത നന്ദ ഐഎഫ്എസ് പങ്കുവെച്ച വീഡിയോയാണ് വൈറലാകുന്നത്. ഇഷ്ടികക്കളത്തിന് സമീപം കുഞ്ഞിനൊപ്പം വിശ്രമിക്കുകയാണ് അമ്മ. ഈസമയത്ത് അടുക്കിവെച്ചിരിക്കുന്ന ഇഷ്ടികകള്‍ കൂട്ടത്തോടെ വീഴാന്‍ പോകുന്നതായി അമ്മ മുന്‍കൂട്ടി മനസിലാക്കുന്നു. ഉടന്‍ തന്നെ കുഞ്ഞിന് സംരക്ഷണം നല്‍കാന്‍ എഴുന്നേറ്റ് നിന്ന് വീഴുന്ന ഇഷ്ടികകള്‍ സ്വന്തം ശരീരം ഉപയോഗിച്ച് തടഞ്ഞുനിര്‍ത്തുന്ന അമ്മയുടെ ദൃശ്യങ്ങളാണ് വീഡിയോയുടെ പ്രസക്ത ഭാഗങ്ങള്‍.

ഇത് ശ്രദ്ധയില്‍പ്പെട്ട കുട്ടിയുടെ അച്ഛന്‍ ഉടന്‍ തന്നെ സംഭവ സ്ഥലത്തേയ്ക്ക് ഓടിയെത്തി. കുട്ടിയെ ഉടന്‍ തന്നെ അവിടെ നിന്ന് എടുത്തുകൊണ്ടുപോകുന്നതും വീഡിയോയില്‍ വ്യക്തമാണ്.