പൂച്ചക്കുപോലും കയറാൻ ബുദ്ധിമുട്ടായ ജനലഴിയിലൂടെ ഒത്തമനുഷ്യൻ നൂഴ്ന്നിറങ്ങുക. കേൾക്കുമ്പോൾ അമ്പരപ്പ് തോന്നാം.തെളിവെടുപ്പിനിടെ തന്റെ മോഷണരീതി കാണിച്ചു കൊടുക്കുന്ന കള്ളന്റെ വീഡിയോ സമൂഹ മാധ്യമങ്ങളിൽ വൈറലാകുകയാണ്. വിദേശത്ത് എവിടെയോ നടന്ന തെളിവെടുപ്പിന്റെ വീഡിയോ റുപിൻ ശർമ്മ ഐപിഎസ് ആണ് ട്വിറ്ററിൽ പങ്കുവെച്ചിരിക്കുന്നത്.

പൊലീസുദ്യോഗസ്ഥൻ വിലങ്ങഴിക്കുന്നതാണ് വീഡിയോയുടെ തുടക്കം. തുടർന്ന് കള്ളൻ ജനലഴിക്കുള്ളിലൂടെ വീടിനുള്ളിൽ കടക്കാൻ ശ്രമിക്കുകയാണ്. അത്രയും ചെറിയ അഴിക്കുള്ളിലൂടെ കടക്കില്ലെന്ന് കരുതുന്നവരെ അമ്പരപ്പിച്ചുകൊണ്ട് കള്ളൻ നൂഴ്ന്നിറങ്ങുന്നതാണ് വീഡിയോയിലുള്ളത്.