സിന്ധ്: പാകിസ്ഥാനില്‍ റോക്കറ്റ് ഷെല്‍ പൊട്ടിത്തെറിച്ച് നാലു കുട്ടികള്‍ അടക്കം ഒരു കുടുംബത്തിലെ എട്ടുപേര്‍ കൊല്ലപ്പെട്ടു. പാടത്ത് നിന്ന് കിട്ടിയ റോക്കറ്റ് ഷെല്ലുമായി വീട്ടിലെത്തിയ കുട്ടികള്‍ ഇതുപയോഗിച്ച് കളിക്കുന്നതിനിടെയാണ് സ്‌ഫോടനം നടന്നത്.
സിന്ധ് പ്രവിശ്യയിലെ കാന്ദ്‌കോട്ടിലാണ് സംഭവം നടന്നത്. പൊലീസ് സ്ഥലത്ത് എത്തിയിട്ടുണ്ടെന്നും കാന്ദ്‌കോട്ട് ആശുപത്രിയില്‍ അടിയന്തരാവസ്ഥ പ്രഖ്യാപിച്ചെന്നും കാശ്‌മോര്‍-കാന്ദ്‌കോട്ട് എസ്എസ്എപി രോഹില്‍ ഖോസ പറഞ്ഞു.
വിഷയത്തില്‍ പ്രവിശ്യ ഇന്‍സ്‌പെക്ടര്‍ ജനറലിേേനാട് സിന്ധ് മുഖ്യമന്ത്രി ജസ്റ്റിസ് മഖ്ബൂല്‍ ബഖര്‍ അടിയന്തര റിപ്പോര്‍ട്ട് ആവശ്യപ്പെട്ടു. എങ്ങനെയാണ് റോക്കറ്റ് ഷെല്‍ ഇവിടെയെത്തിയത് എന്നതിനെ സംബന്ധിച്ച് അടിയന്തര റിപ്പോര്‍ട്ട് നല്‍കാനാണ് ആവശ്യപ്പെട്ടിരിക്കുന്നത്. മേഖലയിലേക്ക് ആയുധ കടത്ത് നടന്നിട്ടുണ്ടോയെന്ന് അന്വേഷിക്കുമെന്നും മുഖ്യമന്ത്രി പറഞ്ഞു.
ഈ വാര്‍ത്ത കൂടി വായിക്കൂ വിവാഹ വിരുന്നിനിടെ തീപിടിത്തം; വധുവും വരനും ഉള്‍പ്പെടെ നൂറിലധികം പേര്‍ മരിച്ചു, ദുരന്തം ഇറാഖിൽ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ