അഫ്ഗാനിസ്ഥാനെതിരെ പോസിറ്റീവ് കളിയല്ല മധ്യനിരയില്‍ ധോനി, ജാദവ് എന്നിവരില്‍ നിന്ന് വന്നതെന്ന് ഇന്ത്യന്‍ ബാറ്റിങ് ഇതിഹാസം സച്ചിന്‍ തെണ്ടുല്‍ക്കര്‍. അത് തന്നെ നിരാശപ്പെടുത്തിയെന്നും സച്ചിന്‍ പറയുന്നു.

ഇതിലും നന്നായി ഇന്ത്യയ്ക്ക് കളിക്കാമായിരുന്നു. ജാദവും ധോനിയും ചേര്‍ന്നുള്ള കൂട്ടുകെട്ടും സന്തോഷിപ്പിക്കുന്നതായിരുന്നില്ല. വളരെ പതുക്കെയായിരുന്നു അത്. സ്പിന്നര്‍മാര്‍ക്കെതിരെ 34 ഓവറോളം ബൗള്‍ ചെയ്തു. 119 റണ്‍സാണ് ഇതില്‍ നിന്ന് സ്‌കോര്‍ ചെയ്തത്. ഈ കണത്ത് സുഖകരമല്ല. പോസിറ്റീവായ സമീപനം ഇവരില്‍ നിന്നുണ്ടായില്ലെന്നും സച്ചിന്‍ പറയുന്നു. 

അഞ്ചാം വിക്കറ്റില്‍ 84 പന്തില്‍ നിന്ന് 57 റണ്‍സിന്റെ കൂട്ടുകെട്ടാണ് ധോനിയും ജാദവും ചേര്‍ന്ന് തീര്‍ത്തത്. 38ാം ഓവറില്‍ കോഹ് ലി പുറത്തായതിന് ശേഷം 45 ഓവര്‍ വരെ നമ്മള്‍ കാര്യമായി റണ്‍സ് കണ്ടെത്തിയില്ല. മധ്യനിര ബാറ്റ്‌സ്മാന്മാരില്‍ നിന്ന് കൂടുതല്‍ പോസിറ്റീവായ കളി വരണമായിരുന്നു. ജാദവ് സമ്മര്‍ദ്ദത്തിലായിരുന്നു. ആ സമയം ആവശ്യപ്പെടുന്ന സ്‌ട്രൈക്ക് റേറ്റില്‍ കളിക്കാന്‍ ധോനിക്കും ജാദവിനുമായില്ലെന്നും സച്ചിന്‍ ചൂണ്ടിക്കാണിക്കുന്നു.