മുസാഫര്നഗര്: ഫേസ്ബുക്ക് വഴി പരിചയപ്പെട്ട് സുഹൃത്തായ വ്യക്തി ബലാത്സംഗം ചെയ്ത് ദൃശ്യങ്ങള് പകര്ത്തിയതായി യുവതിയുടെ പരാതി. ഉത്തര്പ്രദേശിലെ ഷാംലി ജില്ലയിലാണ് സംഭവം. ഫേസ്ബുക്ക് വഴി സൗഹൃദം സ്ഥാപിച്ച യുവാവ് കെണിയില്പ്പെടുത്തി ഹോട്ടലില് എത്തിച്ചുവെന്നും അവിടെ വച്ച് യുവാവും സഹോദരന്മാരും ചേര്ന്ന് ബലാത്സംഗം ചെയ്തുവെന്നുമാണ് പൊലീസില് നല്കിയ പരാതിയില് പറയുന്നത്.
ദൃശ്യങ്ങള് പകര്ത്തിയിട്ടുണ്ടെന്ന് ഭീഷണിപ്പെടുത്തുന്ന യുവാവ് , വിവാഹത്തിനായി നിര്ബന്ധിക്കുകയാണെന്നും 23 കാരിയായ യുവതി വെളിപ്പെടുത്തി. യുവതിയുടെ പരാതിയുടെ അടിസ്ഥാനത്തില് സോനുവെന്ന യുവാവിനെയും കുടുംബാംഗങ്ങളെയും പൊലീസ് അറസ്റ്റ് ചെയ്തു. ഇവരെ ഉടന് കോടതിയില് ഹാജരാക്കും. പരാതിക്കാരിയായ യുവതിക്ക് മതിയായ സുരക്ഷ നല്കുമെന്നും പൊലീസ് അറിയിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ