ബെംഗളൂരു: ഭാര്യയെ കൊലപ്പെടുത്തിയ ശേഷം മൃതദേഹം മൂന്ന് ദിവസം വീട്ടില് സൂക്ഷിച്ച ഭര്ത്താവ് പിടിയില്. ബെംഗളൂരുവിലെ അലന്ദ് താലൂക്കിലെ മദനാഹിപ്പരാഗ ഗ്രാമത്തിലാണ് സംഭവം. ശ്രീശിയാല് എന്നയാളാണ് ഭാര്യ സംഗീത സക്കറേജയെ കഴുത്തുഞെരിച്ച് കൊലപ്പെടുത്തിയത്.
കൊലപാതകത്തില് ശ്രീശിയാലിന്റെ അമ്മക്കും പങ്കുള്ളതായി സംശയിക്കുന്നു. സംഗീതയുടെ മൃതദേഹം ഇയാള് കട്ടിലിടയില് സൂക്ഷിച്ചിരിക്കുകയായിരുന്നു. തിങ്കളാഴ്ച വൈകുന്നേരം ശ്രീശിയാലിന്റെ വീട്ടില് നിന്ന് ദുര്ഗന്ധം വമിച്ചതോടെയാണ് സംഭവം പുറംലോകമറിയുന്നത്.
തുടര്ന്ന് പ്രദേശവാസികള് പൊലീസില് വിവരം അറിയിച്ചു. പൊലീസ് സ്ഥലത്തെത്തി വീട് തുറന്നപ്പോള് കണ്ടത് അഴുകിയ സംഗീതയുടെ മൃതദേഹമായിരുന്നു. തുടര്ന്ന് ശ്രീശിയാലിനെ പൊലീസ് അറസ്റ്റ് ചെയ്തു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ