ലഖ്നൗ: ജോലി സ്ഥലത്തേക്ക് മടങ്ങിയപ്പോയ ഭർത്താവ് ഒപ്പം കൂട്ടാത്തതിന്റെ മനോവിഷമത്തിൽ 26കാരി സിന്ദൂരം കഴിച്ച് ആത്മഹത്യ ചെയ്തു. ഉത്തർപ്രദേശിലാണ് സംഭവം. ഭഡോഹി സ്വദേശിയായ സരസ്വതി ദേവി എന്ന യുവതിയാണ് സിന്ദൂരം അമിതമായി കഴിച്ച് ജീവനൊടുക്കിയത്.
സിന്ദൂരം അമിതമായി അകത്ത് ചെന്നതിനെ തുടർന്ന് ഗുരുതരാവസ്ഥയിലായ യുവതിയെ ആശുപത്രിയിൽ എത്തിച്ചെങ്കിലും ചികിത്സക്കിടെ മരിച്ചു. ഭർത്താവിന്റെ അവഗണനയും മാനസിക പീഡനവും സഹിക്കാതെയാണ് യുവതിയുടെ ആത്മഹത്യയെന്നു ബന്ധുക്കൾ ആരോപിക്കുന്നു.
യുവതിയുടെ ഭർത്താവ് വികാസ് ബിന്ദ് സൂറത്തിലാണ് ജോലി ചെയ്യുന്നത്. തിരികെ ജോലി സ്ഥലത്തേക്ക് മടങ്ങുമ്പോൾ ഒപ്പം കൂട്ടണമെന്ന് യുവതി പറഞ്ഞിരുന്നു. എന്നാൽ ഇതിന് ഭർത്താവ് തയാറായില്ല. രണ്ടര വയസുള്ള മകളെയും നോക്കി വീട്ടിലിരിക്കാനാണ് ഭർത്താവ് ആവശ്യപ്പെട്ടതെന്ന് പൊലീസ് പറയുന്നു.
ഭർത്താവ് മടങ്ങിയതിനു പിന്നാലെ നെറ്റിയിൽ അണിയാൻ വാങ്ങിയ സിന്ദൂരം യുവതി കഴിക്കുകയായിരുന്നു. അമിത അളവിൽ സിന്ദൂരം ശരീരത്തിലെത്തിയതോടെ യുവതി ഗുരുതരാവസ്ഥയിലായി. ലെഡ്-മെർക്കുറി മിശ്രിതം അടങ്ങിയ സിന്ദൂരം അമിത അളവിൽ കഴിച്ചതാണ് യുവതിയുടെ ജീവനെടുത്തതെന്ന് ഡോക്ടർമാർ വ്യക്തമാക്കി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ