ന്യൂഡല്‍ഹി: ടൗട്ടെ ചുഴലിക്കാറ്റ് ഗുജറാത്തിലും രാജസ്ഥാനിലും മഹാരാഷ്ട്രയിലും കടുത്തനാശമാണ് വിതച്ചത്. ഡല്‍ഹിയില്‍ റെക്കോര്‍ഡ് മഴയാണ് കഴിഞ്ഞ ദിവസങ്ങളില്‍ പെയ്തത്.
കേന്ദ്രകാലാവസ്ഥ വകുപ്പിന്റെ റിപ്പോര്‍ട്ട് പ്രകാരം 119, മില്ലിമീറ്റര്‍ മഴയാണ് 24 മണിക്കൂറിനിടെ ഡല്‍ഹിയില്‍ രേഖപ്പെടുത്തിയത്. ഇത് മെയ് മാസത്തില്‍ പെയ്ത എറ്റവും ഉയര്‍ന്ന മഴയാണ്. കനത്ത മഴയെ തുടര്‍ന്ന് താഴ്ന്ന പ്രദേശങ്ങള്‍ മുഴുവന്‍ വെള്ളത്തിനടിയിലായി. റോഡിലാകെ മരങ്ങള്‍ വീണു. അതിനിടെ ഡല്‍ഹിയിലെ നജാഫ്ഗഡില്‍ റോഡില്‍ രൂപം കൊണ്ട കുഴിയില്‍ ട്രക്ക് മറിയുന്ന ദൃശ്യങ്ങള്‍ പുറത്തുവന്നു. അപകടത്തില്‍ ആര്‍ക്കും പരിക്കേറ്റതിനെ പറ്റി റിപ്പോര്‍ട്ടുകളില്ല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
