മുംബൈ: ബിജെപി സ്ഥാനാര്‍ത്ഥിയെ പിന്‍വലിച്ചതിനെ തുടര്‍ന്ന് കോണ്‍ഗ്രസ് നേതാവിനെ രാജ്യസഭയിലേക്ക് എതിരില്ലാതെ തെരഞ്ഞെടുത്തു. മഹാരാഷ്ട്രയിലെ രാജ്യസഭ ഉപതെരഞ്ഞെടുപ്പിലാണ് ബിജെപി സ്ഥാനാര്‍ത്ഥിയെ പിന്‍വലിച്ചത്. കോണ്‍ഗ്രസ് സ്ഥാനാര്‍ത്ഥി രജനി പാട്ടീലാണ് ജയിച്ചത്.
ബിജെപി കോര്‍ കമ്മിറ്റി യോഗത്തിലാണ് സ്ഥാനാര്‍ത്ഥിയെ പിന്‍വലിക്കാന്‍ തീരുമാനമായത്. സഞ്ജയ് ഉപാധ്യയ് ആയിരുന്നു ബിജെപി സ്ഥാനാര്‍ത്ഥി. കഴിഞ്ഞ മെയ്യില്‍ കോണ്‍ഗ്രസ് എംപിയായിരുന്ന രാജീവ് സതാവ് അന്തരിച്ചതിനെ തുടര്‍ന്നാണ് ഉപതെരഞ്ഞെടുപ്പിന് കളമൊരുങ്ങിയത്.
കഴിഞ്ഞയാഴ്ച, കോണ്‍ഗ്രസ് സംസ്ഥാന അധ്യക്ഷന്‍ നാനാ പട്ടോളും റവന്യു മന്ത്രി ബാലാസാഹേബ് തോരാത്തും പ്രതിപക്ഷ നേതാവ് ദേവേന്ദ്ര ഫഡ്‌നാവിസിനെ കണ്ട്, ബിജെപി സ്ഥാനാര്‍ത്ഥിയെ പിന്‍വലിക്കണമെന്ന് അഭ്യര്‍ത്ഥിച്ചിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
