ശ്രീനഗര്‍: ജമ്മു കശ്മീരില്‍ മൂന്ന് പാകിസ്ഥാനി മയക്കുമരുന്ന് കള്ളക്കടത്തുകാരെ വധിച്ചതായി ബോര്‍ഡര്‍ സെക്യൂരിറ്റി ഫോഴ്‌സ് (ബിഎസ്എഫ്). ഞായറാഴ്ച പുലര്‍ച്ചെ സാംബ സെക്ടറിലെ രാജ്യാന്തര അതിര്‍ത്തിയിലാണ് സംഭവം.
അന്താരാഷ്ട്ര മാര്‍ക്കറ്റില്‍ 180 കോടി രൂപ വിലവരുന്ന 36 പാക്കറ്റ് ഹെറോയിന്‍ പിടികൂടിയിട്ടുണ്ട്. പ്രദേശത്ത് തെരച്ചില്‍ തുടരുകയാണെന്ന് ബിഎസ്എഫ് അറിയിച്ചു.
ജനുവരി 28ന് പഞ്ചാബിലെ ഗുരുദാസ്പൂരില്‍ ബിഎസ്എഫും പാകിസ്ഥാനി മയക്കുമരുന്ന് കള്ളക്കടത്തുകാരും തമ്മില്‍ വെടിവെപ്പ് നടന്നിരുന്നു. 47 കിലോ ഹെറോയിന്‍, രണ്ട് തോക്ക്, വെടിക്കോപ്പുകള്‍ എന്നിവ പിടിച്ചെടുത്തു. ഏറ്റുമുട്ടലില്‍ ബിഎസ്എഫ് ജവാന് പരിക്കേറ്റു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
