സംഗീതം കേട്ടാല് അലിയാത്ത ഹൃദയമില്ലെന്ന് പറയാറുണ്ട്. മനുഷ്യര്ക്ക് മാത്രമല്ല മറ്റ് മൃഗങ്ങള്ക്കും അത് അങ്ങനെ തന്നെയാണെന്നും വാദങ്ങളുണ്ട്.
അത്തരമൊരു വീഡിയോയാണ് ഇപ്പോള് ശ്രദ്ധേയമാകുന്നത്. ഫോറസ്റ്റ് ഓഫീസര് സുശാന്ത നന്ദയാണ് ഈ വീഡിയോ പങ്കിട്ടത്. പിയാനോ വായിക്കുന്നത് ശ്രദ്ധയോടെ കേട്ട് ശാന്തനായി നില്ക്കുന്ന ആനയുടെ വീഡിയോയാണ് അദ്ദേഹം പങ്കിട്ടത്.
കാഴ്ച ശക്തിയില്ലാത്ത ആനയാണിതെന്ന് വിഡീയോക്കൊപ്പമുള്ള കുറിപ്പില് അദ്ദേഹം പറയുന്നു. ആന നടന്ന് വരുമ്പോഴാണ് അതിനരികില് ഇരുന്ന് ഒരാള് പിയാനോ വായന തുടങ്ങുന്നത്. ഇത് കേട്ടതോടെ അന നടത്തം നിര്ത്തി ശ്രദ്ധയോടെ സംഗീതം കേട്ട് നില്ക്കുന്നു.
'ആനയ്ക്ക് കണ്ണ് കാണില്ല. പക്ഷേ അതിന്റെ ഹൃദയത്തിലെ സംഗീതത്തിന് അന്ധത ബാധിച്ചിട്ടില്ല'- എന്ന് സുശാന്ത വീഡിയോക്ക് അടിക്കുറിപ്പായി കുറിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ