ഐപിഎല്ലില് ജസ്പ്രിത് ഭൂമ്രയ്ക്ക് വിശ്രമം അനുവദിച്ചേക്കും. ഭൂമ്രയുടെ ജോലിഭാരം സംബന്ധിച്ച വിവരങ്ങളെല്ലാം പരിശോധിക്കുമെന്നും, ഇതിന് ശേഷമാകും ഐപിഎല്ലില് എങ്ങിനെ ഭൂമ്രയെ ഉപയോഗിക്കണം എന്ന് തീരുമാനിക്കുകയെന്നും ബിസിസിഐ വൃത്തങ്ങളെ ഉദ്ധരിച്ച് പിടിഐ റിപ്പോര്ട്ട് ചെയ്യുന്നു.
ലോക കപ്പിനായി ഭൂമ്രയെ പുത്തനുണര്വോടെ ലഭിക്കേണ്ടതുണ്ട്. വിരാട് കോഹ് ലിയുടെ ഫ്രാഞ്ചൈസിയിലായിരുന്നു ഭൂമ്ര എങ്കില് കളിപ്പിക്കേണ്ട എന്ന തീരുമാനം എടുക്കാന് അദ്ദേഹത്തിന് സാധിക്കുമായിരുന്നു. ഇവിടെ ഇപ്പോള്, ടീം ഇന്ത്യയുടെ സപ്പോര്ട്ടിങ് സ്റ്റാഫാണ് ഭൂമ്രയുടെ ജോലിഭാരത്തെ കുറിച്ച് റിപ്പോര്ട്ട് ബിസിസിഐയ്ക്ക് മുന്നില് വയ്ക്കേണ്ടത്. ആ റിപ്പോര്ട്ട് അനുസരിച്ചാകും മുംബൈ ഇന്ത്യന്സിനോട് ഭൂമ്രയെ കളിപ്പിക്കുന്നത് സംബന്ധിച്ച് ബിസിസിഐ പറയുക എന്നും റിപ്പോര്ട്ടില് പറയുന്നു.
ഫിറ്റ്നസില് പ്രശ്നങ്ങള് ഇല്ലെങ്കില് മുംബൈയുടെ പ്രധാനപ്പെട്ട മത്സരങ്ങള് ഭൂമ്ര കളിച്ചേക്കും. എന്നാല് ഐപിഎല്ലിന്റെ തിരക്കേറിയ ഷെഡ്യൂള് പരിഗണിക്കുമ്പോള് ലോക കപ്പ് മുന്നില് കണ്ട് ഭൂമ്രയ്ക്ക് വിശ്രമം അനുവദിക്കുകയാണ് നല്ലതെന്നാണ് അഭിപ്രായമെന്ന് ബിസിസിഐ വൃത്തങ്ങള് ചൂണ്ടിക്കാണിക്കുന്നു.
ഇന്ത്യയുടെ പ്രധാനപ്പെട്ട പേസര്മാരെ ലോക കപ്പ് മുന്നില് കണ്ട് ടീമില് കളിപ്പിക്കേണ്ടതില്ലെന്ന് ഇടക്കാല ഭരണസമിതിക്ക് മുന്പാകെ കോഹ് ലി ആവശ്യമുന്നയിച്ചിരുന്നു. എന്നാല് മുംബൈ ഇന്ത്യന്സ് നായകനായ ഭൂമ്ര ഇതിനെതിരെ രംഗത്തെത്തി. ഭൂമ്രയുടെ ഫിറ്റ്നസില് ഫ്രസ്നമില്ലെങ്കില് താരത്തെ കളിപ്പിക്കുമെന്നായിരുന്നു രോഹിത്തിന്റെ വാക്കുകള്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ