തിരുവനന്തപുരം : കമ്യൂണിസ്റ്റ് നേതാവ് എ കെ ജിയെ അവഹേളിച്ച വി ടി ബല്റാമിനെതിരെ രൂക്ഷവിമര്ശനവുമായി മുഖ്യമന്ത്രി പിണറായി വിജയന്. ബല്റാമിന്റേത് വകതിരിവില്ലായ്മയും വിവരക്കേടുമാണ്. എ കെ ജി ഈ നാടിന്റെ വികാരമാണ്. ആ മഹദ് ജീവിതത്തിന്റെ യശസ്സില് ഒരു നുള്ള് മണല് വീഴ്ത്തുന്നത് ഇന്ത്യയിലെ തൊഴിലാളികളുടെയും കര്ഷകരുടെയും സാധാരണ ജനങ്ങളുടെയും ഹൃദയത്തിനേല്പ്പിക്കുന്ന പരിക്കാണ്. വിവരദോഷിയായ എം എല് എ യ്ക്ക് അത് പറഞ്ഞു കൊടുക്കാന് വിവേകമുള്ള നേതൃത്വം കോണ്ഗ്രസിനില്ല എന്നതാണ് ആ പാര്ട്ടിയുടെ ദുരന്തം. ഫേസ്ബുക്ക് പോസ്റ്റില് പിണറായി വിജയന് അഭിപ്രായപ്പെട്ടു.
ഇന്ത്യന് നാഷനല് കോണ്ഗ്രസിന്റെ പതാകയേന്തി സ്വാതന്ത്ര്യത്തിനു വേണ്ടി പടപൊരുതിയ മഹാനായ ജനനായകനെ ഹീന ഭാഷയില് അധിക്ഷേപിച്ച എംഎല്എയ്ക്ക് കോണ്ഗ്രസിന്റെ ചരിത്രമോ എ കെ ജിയുടെ ജീവിതമോ അറിയില്ലായിരിക്കാം. ആ വകതിരിവില്ലായ്മയാണോ കോണ്ഗ്രസിന്റെ മുഖമുദ്ര എന്ന് വിശദീകരിക്കേണ്ടത് ആ പാര്ട്ടി നേതൃത്വമാണ്. എ കെ ജിയെ അവഹേളിച്ച എം എല് എ യെ കോണ്ഗ്രസ് സംരക്ഷിക്കുന്നത് ആ പാര്ട്ടിയുടെ ജീര്ണ്ണത തെളിയിക്കുന്നുവെന്നും പിണറായി ഫേസ്ബുക്ക് പോസ്റ്റില് കുറിച്ചു.
പിണറായി വിജയന്റെ ഫേസ്ബുക്ക് പോസ്റ്റിന്റെ പൂര്ണരൂപം ചുവടെ :
എ കെ ജിയെ അവഹേളിച്ച എം എല് എ യെ കോണ്ഗ്രസ് സംരക്ഷിക്കുന്നത് ആ പാര്ട്ടിയുടെ ജീര്ണ്ണത തെളിയിക്കുന്നു. ഇന്ത്യന് നാഷനല് കോണ്ഗ്രസിന്റെ പതാകയേന്തി നാടിന്റെ സ്വാതന്ത്ര്യത്തിനു വേണ്ടി പടപൊരുതിയ മഹാനായ ജനനായകനെ ഹീന ഭാഷയില് അധിക്ഷേപിച്ച എംഎല്എയ്ക്ക് കോണ്ഗ്രസിന്റെ ചരിത്രമോ എ കെ ജിയുടെ ജീവിതമോ അറിയില്ലായിരിക്കാം. വകതിരിവില്ലായ്മയും വിവരക്കേടുമാണത്. ആ വകതിരിവില്ലായ്മയാണോ കോണ്ഗ്രസിന്റെ മുഖമുദ്ര എന്ന് വിശദീകരിക്കേണ്ടത് ആ പാര്ട്ടി നേതൃത്വമാണ്. എ കെ ജി ഈ നാടിന്റെ വികാരമാണ്; ജന ഹൃദയങ്ങളില് മരണമില്ലാത്ത പോരാളിയാണ്; പാവങ്ങളുടെ പടത്തലവനാണ്. ആ മഹദ് ജീവിതത്തിന്റെ യശസ്സില് ഒരു നുള്ള് മണല് വീഴ്ത്തുന്നത് ഇന്ത്യയിലെ തൊഴിലാളികളുടെയും കര്ഷകരുടെയും സാധാരണ ജനങ്ങളുടെയും ഹൃദയത്തിനേല്പ്പിക്കുന്ന പരിക്കാണ്. വിവരദോഷിയായ എം എല് എ യ്ക്ക് അത് പറഞ്ഞു കൊടുക്കാന് വിവേകമുള്ള നേതൃത്വം കോണ്ഗ്രസിനില്ല എന്നതാണ് ആ പാര്ട്ടിയുടെ ദുരന്തം. ഉയര്ന്നു വന്ന പ്രതികരണങ്ങള് കണ്ടെങ്കിലും അത്തരം ബോധം വരാത്തതില് സഹതപിക്കുന്നു. അറിവില്ലായ്മയും ധിക്കാരവും പ്രശസ്തിക്കുവേണ്ടിയുള്ള ആര്ത്തിയും ഒരു ജനതയുടെ; ജനകോടികളുടെ ഹൃദയ വികാരത്തെ ആക്രമിച്ചു കൊണ്ടാവരുത് എന്ന് നെഹ്രുവിനെയും സ്വാതന്ത്ര്യ സമരത്തെയും മറന്ന നിര്ഗുണ ഖദര് ധാരികള് ഓര്ക്കുന്നത് നന്ന്. എ കെ ജിയെയും സഖാവിന്റെ പത്നി, തൊഴിലാളി വര്ഗത്തിന്റെ പ്രിയനേതാവ് സ. സുശീല ഗോപാലനെയും മാത്രമല്ല ഈ നാടിന്റെ ആത്മാഭിമാനത്തെ തന്നെയാണ് മുറിവേല്പ്പിക്കുന്നതെന്ന് മനസ്സിലാക്കാനുള്ള ഔചിത്യം കോണ്ഗ്രസിനുണ്ടാകട്ടെ എന്നാശംസിക്കുന്നു.
ഇത്തരം ആളുകളെ മുക്കാലിയില് കെട്ടി അടിക്കണം; ബല്റാം മാപ്പ് പറയണമെന്ന് അഡ്വ. എ ജയശങ്കര്
എകെജി പരാമര്ശത്തില് ബല്റാം തിരുത്തണമെന്ന് ഷാനിമോള് ഉസ്മാന്
വി ടി ബല്റാമിന്റെ നീചമായ വാക്കുകളോട് പ്രബുദ്ധകേരളം പൊറുക്കില്ല: കോടിയേരി
എകെജിയെ അപമാനിച്ച ബല്റാമിനോട് യോജിക്കാനാവില്ലെന്ന് മുരളീധരന്
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ