ധര്മ്മത്തടുക്ക: മുള്ളന്പന്നിയെ പിടികൂടുന്നതിനായി ഗുഹയ്ക്കുള്ളില് കയറിയ യുവാവ് ശ്വാസം കിട്ടാതെ മരിച്ചു. കാസര്കോട് ധര്മ്മത്തടുക്ക ബാളിഗയില് രമേശാണ് മരിച്ചത്. ഗുഹയ്ക്കുള്ളില് മുള്ളന്പന്നിയുണ്ടെന്ന വിവരത്തെ തുടര്ന്നാണ് സുഹൃത്തുക്കളുമായി രമേശ് ഗുഹയ്ക്കുള്ളില് കയറിയത്. ശ്വാസ തടസ്സം നേരിട്ടതോടെ മറ്റുള്ളവര് പുറത്തേക്കിറങ്ങി.
ഒരാള്ക്ക് മാത്രം കടക്കാവുന്നതായിരുന്നു ഗുഹ. മണിക്കൂറുകള് കഴിഞ്ഞിട്ടും രമേശിനെ കാണാതിരുന്നതിനെ തുടര്ന്നാണ് നാട്ടുകാരെ വിവരമറിയിച്ചത്. പൊലീസെത്തി ഉള്ളില് കടക്കാന് നോക്കിയെങ്കിലും സാധിച്ചില്ല.
അഗ്നിശമന സേനാംഗങ്ങള് എത്തി നടത്തിയ പരിശോധനയിലാണ് മണ്ണിടിച്ചിലില് കുടുങ്ങി,മണ്ണില് പുതഞ്ഞ നിലയില് മൃതദേഹം കണ്ടെത്തിയത്. ഓക്സിജന് സിലിണ്ടറിന്റെ സഹായത്തോടെയാണ് രക്ഷാപ്രവര്ത്തകര് അകത്തെത്തിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ