കണ്ണൂർ: ക്ഷേത്ര ദർശനത്തിനെത്തിയ കുട്ടികളുടെ സ്വർണാഭരണങ്ങൾ മോഷ്ടിച്ച സംഭവത്തിൽ യുവതി പിടിയിൽ. പാനൂർ സ്വദേശി ഷംന ബിജുവിനെയാണ് അറസ്റ്റ് ചെയ്തത്. രാവിലെ പറശ്ശിനിക്കടവ് ക്ഷേത്ര ദർശനത്തിനെത്തിയ ചാലക്കുടി, കോഴിക്കോട് സ്വദേശികളുടെ കുട്ടികളുടെ രണ്ട് പവനിലധികം വരുന്ന സ്വർണാഭരണങ്ങളാണ് മോഷണം പോയത്.
ക്ഷേത്രത്തിലെ സിസി ടിവി ദൃശ്യങ്ങൾ കേന്ദ്രീകരിച്ച് നടത്തിയ അന്വേഷണത്തിലാണ് തളിപ്പറമ്പ് പൊലീസ് പാനൂർ മേലെ ചെമ്പാട് വാടകയ്ക്ക് താമസിക്കുന്ന ഷംന ബിജുവിനെ പിടികൂടിയത്. ഇവരിൽ നിന്ന് മോഷണം പോയ സ്വർണാഭരണം കണ്ടെടുത്തു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
