ദുബായ്: ദുബായില് ബസ്സപകടത്തില് മരിച്ച മലയാളികളുടെ എണ്ണം എട്ടായി. മൃതദേഹങ്ങള് നാളെ നാട്ടിലെത്തിക്കും. തിരുവനന്തപുരം, തൃശ്ശൂർ, കോട്ടയം, തലശ്ശേരി സ്വദേശികളാണ് മരിച്ചത്. ഒമാനില് പെരുന്നാൾ അവധി ആഘോഷിച്ച് മടങ്ങുന്നവഴിക്കാണ് അപകടമുണ്ടായത്.
31 പേർ സഞ്ചരിച്ചിരുന്ന ബസ്സിലെ 17യാത്രക്കാരാണ് മരിച്ചത്. ഇതിൽ 12 പേർ ഇന്ത്യക്കാരാണ്. തിരുവനന്തപുരം സ്വദേശി ദീപക് കുമാര്, തലശ്ശേരി സ്വദേശികളായ ഉമ്മര് ചോനോക്കടവത്ത്, മകന് നബീല് ഉമ്മര്, തൃശ്ശൂര് സ്വദേശികളായ അറക്കാവീട്ടില് മുഹമ്മദുണ്ണി ജമാലുദ്ദീന്, കിരണ് ജോണി, വാസുദേവന്, കോട്ടയം പാമ്പാടി സ്വദേശി വിമല് കുമാര്, രാജന് പുതുയപുരയില് ഗോപാലന് എന്നിവരാണ് മരിച്ച മലയാളികള്.
ഒമാനിൽ നിന്ന് ദുബായിലേക്ക് വന്ന ബസ് മുഹമ്മദ് ബിൻ സായിദ് റോഡിലാണ് അപകടത്തിൽപ്പെട്ടത്. വ്യാഴായ്ച വൈകുന്നേരം 5.40നാണ് അപകടമുണ്ടായത്. ഇന്ത്യക്കാര്ക്ക് പുറമേ ഒമാൻ, അയര്ലെൻ്റ്, പാകിസ്ഥാൻ എന്നീ രാജ്യങ്ങളിൽ നിന്നുള്ളവരും മരിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ