തിരുവനന്തപുരം: തിരുവവനന്തപുരത്ത് മദ്യലഹരിയില്‍ സുഹൃത്തിനെ അടിച്ചുകൊന്ന പ്രതി പിടിയില്‍. വിഴിഞ്ഞം ഹാര്‍ബറിന് സമീപത്തുവെച്ചാണ് പ്രതി സതിയെ പൊലീസ് പിടികൂടിയത്. ഇയാള്‍ മുക്കോല സ്വദേശിയാണ്. തിരുവനന്തപുരം ബാലരാമപുരത്ത് ഇന്നലെ രാത്രിയിലായിരുന്നു സംഭവം.
ഓട്ടോ ഡ്രൈവറായ ശ്യാമാണ് മരിച്ചത്. മദ്യപിക്കുന്നതിനിടെ ഉണ്ടായ വാക്കുതര്‍ക്കത്തെ തുടര്‍ന്ന് സുഹൃത്ത് ശ്യാമിനെ തലയ്ക്കടിച്ച് കൊലപ്പെടുത്തുകയായിരുന്നുവെന്നാണ് പൊലീസ് പറഞ്ഞു. മാസങ്ങളായി ശ്യാം വാടകയ്ക്ക് താമസിക്കുന്ന വീട്ടില്‍ വച്ചായിരുന്നു കൊല നടത്തിയത്.
ഇതര സംസ്ഥാന തൊഴിലാളികള്‍ അറിയിച്ചതിനെ തുടര്‍ന്ന് ഓടിക്കൂടിയ നാട്ടുകാര്‍ പൊലീസിനെ വിവരം അറിയിക്കുകയായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
